PAMMUJI 28:7 - KITTA' MATANGKASA'

⁷ Batara pa'la'langangku siagang Tumappatojengku, tappaka' mae ri Ia. Natulunga' siagang Napakarannui pa'maikku, mammujia' mae ri Ia siagang lagu sukkuru'.

PAMMUJI 28:7 ပူးပေါင်းရင်းမြစ်များ

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PAMMUJI 13:5

TeaKi' lappassangi musungku angkana angkanaya nabetama' ke'nanga. TeaKi' lappassangi ke'nanga anggoraia'.

PAMMUJI 13:6

Nasaba' pangngamaseanTa kupattoang, jari larannua' lanri iKatte ampasalamaka'. Erokka' makkelong untu' Batara, nasaba' le'ba'na a'gau' baji' mae ri nakke!

PAMMUJI 19:14

Pakabella' battu ri dosa kusangajakkia, teaKi' lappassangngia' nikoasai. Nakuma'jari tena callangku, kuta'lappasa' battu ri gau' sala lompoa.

PAMMUJI 21:1

Untu' pamimping pakelong. Pammujina Daud.

PAMMUJI 22:4

Mingka iKattemi Karaeng Kaminang Matangkasaka, nipuji-pujia ri tu Israel.

PAMMUJI 28:8

Batara Nasarei kagassingang umma'Na, Napattojengi siagang Napasalamaki karaeng nipileNa.

PAMMUJI 3:3

Jaimi tau mangkana taerokai Allata'ala antulunga'.

PAMMUJI 3:4

Mingka iKatte, o Batara, a'jari pa'la'langangku. Kisarea' pammetang, naKipakalompo pa'maikku.

PAMMUJI 33:21

Ma'rannu-rannuki' lanri Ia na kitappa' ri areng matangkasa'Na.

PAMMUJI 37:39

Napasalamaki Batara tau bajika, Najagai ke'nanga ri wattu kasukkarranna.

PAMMUJI 40:3

Nabesoka' battu lalang ri kali'bong bahayaya, battu lalang ri peo'na binangaya. Nabolika' irate ri bulu' batua, sa'genna baji' dakkaku.

PAMMUJI 43:2

IKattemi Allata'ala, pa'la'langangku; angngapa Kibokoia? Angngapa kumusti tulusu' pa'risi' lanri nijallakkang ri musu-musungku?

PAMMUJI 46:1

Pammujina golongang Korah. Untu' pamimpin pakelong. Lagu Alamot.

PAMMUJI 46:2

Allata'ala pa'la'langangku siagang kagassingangku; tuli sadiai siagang akkullei antulunga' lalang kasukkarang.

PAMMUJI 69:30

Mingka inakke nijallakkanga na kupa'risi', Kiangka' laloa' o, Allata'ala, siagang pasalamaka'.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMUJI 91:4

LaNatongkokko siagang ka'nyi'Na, sa'gennu amang lalang ri la'lanNa; nyawa tamamminraNa sanrapangi pa'lapa' ri batangkalennu anjagaiko.

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 45:24

Lanakana ngaseng taua, ‘Bataraji bawang nakabattui kaadelanga siagang kagassinganga!’ Sikontu tau birisika mae ri Nakke labattui mae ri Nakke na'jari siri'-siri'.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.