PAMMUJI 27:14 - KITTA' MATANGKASA'

¹⁴ Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

PAMMUJI 27:14 ပူးပေါင်းရင်းမြစ်များ

PA'JARIANG 49:18

O Batara, kasalamakkang Kipassareanga, iaminjo sarro kutayanga.

PAMMUJI 130:5

Kutayangi bantuanNa Batara, janjinNa kurannuangi.

PAMMUJI 138:3

Wattungku akkio' mae ri Katte, appialiKi', Kipakajarreki pa'maikku sa'gengku a'jari barani.

PAMMUJI 25:21

Poro nirurungang laloa' ri kabajikang siagang kalambusang, saba' manrannuanga' mae ri Katte.

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

PAMMUJI 31:24

Mangngaiko ri Batara, he, sikontu umma'Na, Najagai Batara tu tamamminraya. Mingka Nahukkungi tu tampoa tena napassanggai Nahukkung.

PAMMUJI 33:20

Umba kimanrannuang mae ri Batara, Iami pannulunta siagang mappatojenta.

PAMMUJI 37:34

Manrannuangko ri Batara siagang turuki parentaNa, na Naangkakko untu' a'jari warisi' ri anjo buttaya; lanuciniki nipa'lanynya' tu ja'dalaka.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

PAMMUJI 40:1

Untu' pamimping pakelong. Pammujina Daud.

PAMMUJI 62:1

Untu' pamimping pakelong. Situru' Yedutun. Pammujina Daud.

PAMMUJI 62:5

Ero' ngaseng jako bawang antu'gurangi battu ri empoang tinggina. Ikau ngaseng nungai a'balle-ballea; nangai assare barakka' bawanu, mingka attunrako lalang atinnu.

PANGNGEBARANG 20:22

Teako balasaki kaja'dallanga siagang kaja'dallang; tappakko ri Batara, Iami lantulungko.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

YESAYA 26:8

Mannuruki ikambe ri kaputusanTa, o Batara, siagang mattayang-tayang ri Katte; iKattemi napuji siagang nakanakkukang atinna ikambe.

YESAYA 30:18

Mingka manna nakamma, Natayangi Batara wattunna untu' Napappicinikang pangngamaseanNa mae ri kau ngaseng. Sadiai langkamaseangko. Saba' Batarami Allata'ala anggaukangi apa kaminang cocoka mae ri KalenNa. Mate'nei tau manrannuanga mae ri Ia.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YESAYA 8:17

Le'baki Batara Nacokko KalenNa battu ri turunganna Yakub, umma'Na, mingka inakke tappaka' siagang manrannuanga' mae ri Ia.

PIRAUNG 3:26

Jari, bajiki kisannang attayang sa'genna battu Batara untu' antulungki';

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

LUKAS 2:38

Sitabangi battu todong ri Balla'Na Batara anjo wattua. Ammuji-mujimi ri Allata'ala, siagang nabicarami ri passala'na anjo Anaka mae ri sikamma tau attayanga kabattuanNa Allata'ala ampasalamaki bonena Yerusalem.

LAMPA-LAMPANA 28:15

Anrapi'mi kabaratta mange ri sikamma sari'battang tappaka ri Isa ri Roma. Jari battumi ke'nanga sa'genna ri Pasara' Apius siagang Pasanggarahang Tallu, ero' anruppaiki'. Ri wattunna assibuntulu'mo Paulus siagang ke'nanga, appala' sukkuru'mi Paulus mae ri Allata'ala. A'jari sannammi pa'mai'na.

ROMA 8:25

Mingka punna ma'minasaki' ri apa-apa tenayapa nigappai, paralluki sa'bara' antayangi anjo niminasaia.

1 KORINTUS 16:13

Paralluko tutu siagang jarre' tappa'nu lalang ri katallassannu salaku tu Karisteng. Pa'baraniangi kalennu anggaukangi jama-jamannu siagang a'jariko tau magassing lalang ri katallassannu.

EFESUS 3:16

Appala' doanga' mae ri Allata'ala kaminang mala'birika naporo Najarreki pa'mai'nu siagang RohNa.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',