PAMMUJI 26:9 - KITTA' MATANGKASA'

⁹ TeaKi' bunoia' siagang tu dorakaya, yareka teaKi' allei nyawaku assama siagang tu appasolonga cera'.

PAMMUJI 26:9 ပူးပေါင်းရင်းမြစ်များ

2 SAMUEL 16:7

Nitunrami ri Simei angkana, “A'lampako! A'lampako! Pabuno tau! Tau ja'dala'!

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

PAMMUJI 139:19

Poro kitumpasa' lalo tau ja'dalaka, o, Allata'ala, Kipakabellai battu ri nakke tau appasolonga cera'!

PAMMUJI 51:14

Kipa'jari rannua' pole lanri kasalamakkang battua ri Katte, sarea' ati rella untu' mannuruki ri Katte.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

MATIUS 24:51

Niba'jimi anjo palayanga ri karaenna sa'ge patea-teana, nampa nipela' antama' ri pammantanganna tau munapeka. Lasessa sikalimi siagang langngarru'-arru'mi ke'nanga angkarruki sarenna.”

MATIUS 25:32

Sikontu bansaya lanipa'rappungang ngasemmi ri dallekanNa. Nampa laNasa'la' anjo rupataua a'jari ruang pammantangang, rapang pakalawaki ansa'laki gimbalaka siagang bembea.

MATIUS 25:44

Appialimi ke'nanga ri Ia angkana, ‘O, Batara, ringngapanna nakucinikKi' cipuru', yareka turere, yareka nitarungku, yareka a'jari tu battu-battu, yareka taccare-carea, yareka garring, natakutulungaKi'?’

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

1 SAMUEL 25:29

Ebara' angkana nia' tau ambunduki karaengku siagang ancobai ero' ambunoi karaengku, mattantu laNakatutuiki' Karaeng Allata'ala sanrapang barang-barang nijagaia ri patanna. Mingka sikamma musu-musunna karaengku lanipasambilai bella-bella ri Batara, nipasambila siagang patte'.