PAMMUJI 25:13 - KITTA' MATANGKASA'

¹³ Tuli lasukkuki ke'nanga lalang tallasa'na, lanawarisiki ana' cucunna ke'nanga tana pisakaya,

PAMMUJI 25:13 ပူးပေါင်းရင်းမြစ်များ

PAMMUJI 112:2

Lakoasai ana'-ana'na ri anne pa'rasanganga, turungang tau baji' siagang lanibarakkaki.

PAMMUJI 31:19

Kitongkoki bawana tu paballe-ballea tu borroa ancau-caui tu lambusuka.

PAMMUJI 36:8

Tamaka lompona anggaranna pangngamaseanTa, o, Allata'ala, a'la'langi rupataua lalang ri la'lanna ka'nyitTa.

PAMMUJI 37:11

Tau tuna pa'maika lanawarisiki anjo buttaya, na nakasia' kacoppongang alla'bia.

PAMMUJI 37:22

Tu nibarakkakia ri Batara lanawarisiki anjo buttaya, mingka laNabongkai tu Natunraya.

PAMMUJI 37:26

Tuli appappinrangi siagang assarei, na'jari barakka' ana'-ana'na mae ri kalenna.

PAMMUJI 37:29

Tu bajika nawarisiki anjo buttaya, na napammantangngi satunggu-tungguna.

PAMMUJI 37:34

Manrannuangko ri Batara siagang turuki parentaNa, na Naangkakko untu' a'jari warisi' ri anjo buttaya; lanuciniki nipa'lanynya' tu ja'dalaka.

PAMMUJI 37:9

Saba' lanipa'lanynyaki tau a'gau' ja'dalaka, mingka tu manrannuanga ri Batara lanawarisiki anjo buttaya.

PAMMUJI 63:5

Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

PAMMUJI 69:36

Ia lampasalamaki Yerusalem siagang ambangungi ammotere' kota-kotana Yehuda. Lammantangi umma'Na Batara anjoreng; a'jari napatangi ke'nanga anjo buttaya.

PANGNGEBARANG 1:33

Mingka tau mappilangngeria ri nakke laniparakai. Laamangi lalang tallasa'na siagang tena naparallu malla'.”

PANGNGEBARANG 19:23

Pakalompoi Batara, na nuttallasa' mate'ne; lasukkuki pakkasia'nu siagang lata'lappasakko battu ri balaya.

PANGNGEBARANG 20:7

Ana'-anaka upaki punna nia' manggena mabajika siagang malambusuka ri tallasa'na.

PANGNGEBARANG 29:25

Mallaka ri panggappana taua, angngerangi kasusaang. Tappakko ri Batara, na nulaamang.

YESAYA 65:23

Sikontu apa nagaukanga ke'nanga lania' wassele'na, siagang tena nalamate silalonna ana'-ana'na ke'nanga. Ke'nanga siagang turunganna ke'nanga laKubarakkaki satunggu-tungguna.

YEREMIA 32:39

LaKusarei ke'nanga poro se're bawang oloang mange ri katallassanga: iamintu, napakalompoA' satunggu-tungguna; anjo kammaya langngerangi kabajikang mae ri kalenna ke'nanga, siagang mae ri jari-jarina.

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

ZAKHARIA 9:17

Tamaka baji'na buttaNa Batara sallang, teai sipato' baji'na siagang ga'gana! Anjorengi coppong sikali timbona anggoroka siagang gandunga, sa'genna pila' katambang gassinna turungkaya siagang tuloloa.

MATIUS 5:5

Mate'nei tau tuna pa'maika; nasaba' iami langgappai apa le'baka Napa'janjiang Allata'ala!

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

PAOLE 33:12

Ri sesena suku Benyamin nakana: “Iaminne suku Nakarimangngia Batara. Nala'langngi allo bangngi; ammantangi Batara ri tangnga-tangngana ke'nanga.”

FILIPI 4:19

Allata'ala kusombaya, allumpai kakalumanynyanganNa lalang ri Isa Almasi; na Iami lassareang ngasengko sikontu kaparalluannu.

1 PETRUS 3:10

Nia' tattulisi' lalang ri Kittaka angkanaya, “Inai-nai ero' angkasiaki mate'nena tallasaka, naero' ampisa'ringi allo-allo bajika, musti nakatutui bawana sollanna tamappaua bicara ja'dala', natamakkana balle-ballea.

2 PETRUS 3:13

Mingka ikatte nitayammi apa Napa'janjianga Allata'ala, iamintu langi' berua siagang butta berua, niaka kaadelang lalanganna.