PAMMUJI 24:6 - KITTA' MATANGKASA'

⁶ Kammaminjo tubattua andallekang ri Allata'ala, battua anynyomba ri Allata'alana Yakub.

PAMMUJI 24:6 ပူးပေါင်းရင်းမြစ်များ

PAMMUJI 105:4

Appalakko kagassingang battu ri Ia, tuli sombai.

PAMMUJI 22:30

Sikontu tau malompoa lasu'juki ri dallekanNa, sikontu rupatau tattallasa' satunggua lanynyombai mae ri Ia.

PAMMUJI 27:8

Kikana, “Battuko mae anynyomba ri Nakke.” Appialima' kukana, “Lintakka' battu, o, Batara;

PAMMUJI 73:15

Ebara' angkana akkana kamma' anjo, kubaliammi ana'-ana' ri bokoku.

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

ROMA 4:16

Jari lanri tappa'naji taua mae ri Allata'ala nania' anjo janjinNa Allata'ala. Iaminjo a'jari pammatei mattantua mae ri sossoranna Abraham, angkanaya nisareang bawang-bawanji ke'nanga anjo janjia battu ri Allata'ala; teai untu' tau mannurukiaji bawang ri hukkung agama Yahudia, passangalinna untu' tau tappaka pole ri Allata'ala, sangkamma tappa'na Abraham mae ri Allata'ala. Nasaba' iaminjo Abraham bapa' rohanita ngaseng.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.