PAMMUJI 23:5 - KITTA' MATANGKASA'

⁵ Kipasadianga' passua'-suarrang ri dallekang matanna balingku. Kiruppaia' sangkamma toana lompoa. Kipatalanga' inungang bajika siagang alla'bi-la'bia.

PAMMUJI 23:5 ပူးပေါင်းရင်းမြစ်များ

AYUB 36:16

Napakabebasa' mako Allata'ala battu ri kasukkarang, sa'genna akkulle nukasia' kasannangnganga, siagang rassi mejang pangnganreannu siagang kanre.

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

PAMMUJI 116:13

Erokka' angngerang passare anggoro' mae ri Batara untu' angkasukkurangi pannulunNa.

PAMMUJI 16:5

O, Batara, iKatteji bawang Bataraku; Kisarea' sikontu apa kuparalluanga, sarengku niaki lalang limanTa.

PAMMUJI 22:26

Ri tangnga-tangngana passe'reanna ummaka mammujia' mae ri Katte, lanri sikontu apa le'baka Kigaukang. Ri dallekang umma' mappilangngeria kupassareang koro'bang le'baka kupa'janjiang.

PAMMUJI 22:29

Nasaba' Batarayami makoasa, Ia ammarenta mae ri bansa-bansaya.

PAMMUJI 45:7

Nasareko koasa Allata'ala untu' ammarenta, attahangi koasanu satunggu-tungguna; ammarentako' siagang adele' mae ri ra'ya'nu.

PAMMUJI 78:19

Naewami ke'nanga Allata'ala nakana, “Maka akkullei Allata'ala assareki' kanre ri parang lompoa?

PAMMUJI 92:10

Naassengi ikambe angkana lanipaccappuki musunTa, o, Batara, lanipasimbungi sikontu tau ja'dalaka.

PAMMUJI 92:11

Kipa'jari kassaka' sanrapang tedong romang liaraka, na Kibarakkakia' siagang kate'neang.

YESAYA 25:6

Ri Bulu' Sion, lappasadiai Batara Kaminang Makoasaya parjamuang untu' sikontu bansaya ri lino. Appatalai kanre kaminang nyamanga siagang anggoro' nipilea.

AMOS 6:6

Angnginungko anggoro' battu ri pangnginungang niboneia sa'genna rassi, siagang ammakeko minynya' bau' kaminang bajika, mingka tena nasi'na pa'mai'nu mae ri kaancuranna Israel.

MATIUS 6:17

Mingka ikau ngaseng, punna appuasako, pira'nyuki rupannu siagang a'jangka baji'-bajikko,

LUKAS 7:46

Tena nanutumpai minynya' ulungKu, mingka anne bainea natumpaimi minynya'-minynya' bau' bangkengKu.

YOHANES 16:22

Kamma tomminjo ri kau ngaseng: kamma-kamma anne susai nyawanu, mingka lasibuntulu' poleang jaki' sallang, jari la'jari rannumi nyawanu. Na tenanniakka tau lakkulle angngallei anjo karannuanga battu ri nyawanu.

1 KORINTUS 10:16

Ri wattunta sipangnginungang anggoro' siagang appala' sukkuru' mae ri Allata'ala, sai iaminjo a'jari pammatei angkanaya a'jari se're ngaseng maki' siagang Almasi lalang ri kamateanNa? Kammayatompa ri wattunna nibage-bage anjo roti se'rea nampa assama-samaki' angkanrei, sai iaminjo a'jari pammatei angkanaya a'jari se're maki' lalang ri batangkalenNa Almasi?

2 KORINTUS 1:21

KalenNa Allata'ala ampakajarre' ngasengki' a'jari se're mae ri KalenNa Almasi; Iatommi KalenNa ampileki' Napamae ri KalenNa.

EFESUS 3:20

Lanri pappagio'na koasaNa Allata'ala lalang ri kalenta, akkullemi la'bi jaiangang Nagaukang Allata'ala, naia akkullea nipala' yareka ninawa-nawa.

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.