PAMMUJI 22:7 - KITTA' MATANGKASA'

⁷ Mingka inakke anne sanrapanja' gallang-gallang, teai rupatau, nicau-cau na nihina ri tau jaia.

PAMMUJI 22:7 ပူးပေါင်းရင်းမြစ်များ

AYUB 12:4

Nikakkalia' ri agangku siagang belaku, nampa inakke anne annaba' siagang tena callaku. Riolo Napiali Allata'ala pappala' doangku punna akkioka' appala' bantuang.

AYUB 16:10

Tassungke lompoi bawana taua ancau-caua'; naborongia' siagang natempa ka'rang pilisikku.

AYUB 16:4

Ebara' angkana ikau ngaseng antu inakke, nampa inakke a'jari ikau ngaseng, akkulle tonja' a'bicara kamma anjo. Kupitambungiangko bicara; lakupammenggong-menggongi ulungku.

PAMMUJI 109:25

Sikamma tau ancinikia' nahina ngasemma' napamenggong-menggong ulunna.

PAMMUJI 31:18

TeaKi' balang parekangia' nipakasiri', o, Batara, saba' akkioka' mae ri Katte. Lappassammi nipakasiri' tu ja'dalaka, na'mereki naung ri linona tu matea.

PAMMUJI 44:14

Kipa'jarimi ikambe tunicau-cau ri siampi'-ampi' balla'na ikambe nicau-caumi siagang nikakkalimi ikambe ri ke'nanga.

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

YESAYA 57:4

Inai nukakkali? Inai nucau-cau? Sai ikau turungang paballe-balleko siagang turungang tau nangaia angngewa?

MATIUS 27:29

Appare'mi ke'nanga passikko' ulu akkatintinga, nampa napasongko' ri ulunNa Isa. Nampa napita'galliang takkang bulo ri lima kananNa. Le'baki anjo akkulantu'mi ke'nanga ri dallekanNa Isa. Nacau-caumi Isa nakana, “Iye', Karaeng tu Yahudi!”

MATIUS 9:24

Nakanamo Isa ri ke'nanga, “Assulu' ngasengko! Katena namate anne anaka, mingka attinronaja.” Ammakkala'mi taua angkakkali Isa.

MARKUS 15:20

Le'baki nakarek-karenai Isa, napasulu' poleammi ke'nanga anjo juba cura' lame butunga, nampa napipakei ammotere' pakeang KalenNa Isa. Nampa nierang assulu' Isa, lamange nisalli'.

MARKUS 15:29

Sikamma tau niaka numalo anjoreng napammenggong-menggongi ulunna, siagang nahina-hinai Isa angkana, “He, iKaumi eroka anrumbangi Balla'Na Allata'ala nampa Nupabangung poleang ri makatalluna alloa.

LUKAS 16:14

Nalangngere' ngasengi tu Farisia sikamma Napaua Isa. Nikakkalimi Isa ri ke'nanga, lanri nangaina ke'nanga doeka.

LUKAS 23:11

Nipare' karek-karenammi siagang nihina-hinami Isa ri Herodes siagang surudadua. Nampa nipipakei pakeang kalompoang, nanikiring ammotere' mae ri Pilatus.