PAMMUJI 22:6 - KITTA' MATANGKASA'

⁶ Akkioki ke'nanga ri Katte na Kilappassang ke'nanga; manrannuangi ke'nanga na tena Kipassalasai.

PAMMUJI 22:6 ပူးပေါင်းရင်းမြစ်များ

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

AYUB 25:6

La'biangampa rupataua, lapung gallang-gallang, lapung kaluara! Tena tojeng anggaranna ri paccini'Na Allata'ala.”

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

PAMMUJI 31:1

Untu' pamimping pakelong. Pammujina Daud.

PAMMUJI 31:11

La'busu'mi katallassangku lalang ri kapa'risanga, allalomi taung-taung katallassangku lalang kunrareng. Kurammi kagassingangku lanri kaja'dallangku, ba'lalo a'jari lammami buku-bukungku.

PAMMUJI 41:5

Kukana, “Dorakama' mae ri Katte, o, Batara, kamaseanga' siagang Kipammollea' ri garringku.”

PAMMUJI 88:8

Battalaka' nijallakkang ri pangngalarroinTa, ancurukka' nijallakkang ri larroTa.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

YESAYA 53:3

Nihinai siagang nililiangi, tau tuli sessaya siagang biasaya antanggongi pa'risika. Tena manna sitau ero' anciniki, siagang ikatte tena todong nijampangi.

PIRAUNG 3:30

Manna kinipakkanai siagang nitempaka'rang, parallui nitarima ngaseng anjo kammaya.

MATIUS 11:19

Battuiseng Ana' Ma'rupataua – Nangnganre siagang angnginung; nanipakkanaimo ri taua, ‘Cinissai anjo taua, balalana siagang painunna! Manna pasingara' simaya siagang tau kodi sipaka Naagang ngaseng sipa'rappungang.’ Mingka manna nakamma mamo, lanipa'butti tonjia ero'Na Allata'ala lanri a'nyatana wassele'na.”

MATIUS 12:24

Nalangngere'na tu Farisia anjo pakkuta'nanga, appialimi ke'nanga angkana, “Nakkulle Nabongka setanga anne taua, lanri le'ba'naji nisare koasa ri pinggawana setanga.”

YOHANES 7:15

Lannasa' ngasemmi tukoasana tu Yahudia, siagang nakanamo ke'nanga, “Antekamma nakkulle jai kamma Naasseng anne taua, natale'baka assikola?”

YOHANES 7:20

Appialimi anjo tau jaia angkana, “PongorokKo antu! Inai ero' ambunoKo?”

YOHANES 8:48

Appialimi anjo tu Yahudia ri Isa angkana, “Sai kammatojengi kananna ikambe angkanaya ikau mintu tu Samaria nasosoka setang?”

IBRANI 13:12

Iaminjo saba'na napantaranganna todong pakke'bu' lompona kotaya mate Isa, sollanna nakkulle Natangkasi dosana sikontu umma'Na, lanri anjo cera' KalenNa.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!