PAMMUJI 22:30 - KITTA' MATANGKASA'

³⁰ Sikontu tau malompoa lasu'juki ri dallekanNa, sikontu rupatau tattallasa' satunggua lanynyombai mae ri Ia.

PAMMUJI 22:30 ပူးပေါင်းရင်းမြစ်များ

PAMMUJI 102:28

Mingka iKatte tulusu' kammaTa, tena kale'bakkanna tallasatTa.

PAMMUJI 14:5

Tau ja'dalaka lasanna' malla'na, saba' Nala'langi Allata'ala tu mannurukia ri Ia.

PAMMUJI 24:6

Kammaminjo tubattua andallekang ri Allata'ala, battua anynyomba ri Allata'alana Yakub.

PAMMUJI 73:15

Ebara' angkana akkana kamma' anjo, kubaliammi ana'-ana' ri bokoku.

PAMMUJI 87:6

LaNapantamaki Batara bansa-bansaya lalang ri dattara' pandudu' Yerusalem.

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

IBRANI 2:13

Nakana pole Isa, “LaKupadongkoki panrannuangKu mae ri Allata'ala.” Na Nakana pole, “INakkemi anne, siagang sikamma ana'-ana' le'baka Napassareang Allata'ala mae ri Nakke.”

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.