PAMMUJI 22:16 - KITTA' MATANGKASA'

¹⁶ Kalotoro'mi karro'-karrokku sanrapang kaca ancuruka, a'dakki'mi lilaku ri nga'ngalakku. O, Batara, angngapa naKibokoia' irate ri limbu'buka sanrapang tau mateamo.

PAMMUJI 22:16 ပူးပေါင်းရင်းမြစ်များ

PAMMUJI 22:1

Untu' pamimping pakelong. Situru' lagu: Jonga ri wattu bari'basa'. Pammujina Daud.

PAMMUJI 22:20

Mingka iKatte, teaKi' bellai, o, Batara, battu maKi' linta' antulunga', saba' iKattemi kagassingangku.

PAMMUJI 38:11

A'dumba'-dumbaki barambangku, tenamo kagassingangku, tenamo nabaji' paccinikku.

PAMMUJI 59:14

Kipossoki ke'nanga lalang pangngalarroinTa, o, Allata'ala, Kipossoki ke'nanga sa'genna cappu'. Namassing naasseng taua angkanaya Allata'ala ammarenta Israel, siagang pamarentahanNa a'la'bang ri sikontu linoa.

PAMMUJI 59:6

Ammenteng maKi', Allata'ala Kaminang Tinggia, naKitulunga'. O, Allata'alana Israel, kalenTa anjari sa'bi. Ambangung maKi' siagang Kihukkummi bansa-bansaya, TeaKi' kamaseangi tau ja'dalaka, a'jari balia.

PAMMUJI 86:14

O, Allata'ala, ammentengi tau borroa ero' ambakkaia', sipa'rappungang tau palla' ero' ambunoa'; tena najampangiKi' ke'nanga.

YESAYA 53:5

Mingka nilokoki lanri dosa-dosata ngaseng, nisessai passabakkang kaja'dallanta. Ia nihukkung sollanna ikatte nipasalama', lanri bokka' bate cambo' nakasiaka nakinipammolle.

YEREMIA 12:6

Nibaliang mako ba'lalo ri bija pammanakannu tonji; amminawangi ke'nanga ambakkaiko. Teako tappakki mae ri ke'nanga, manna pole nate'ne bicaranna ke'nanga.”

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

MATIUS 26:57

Le'baki najakkala' Isa, a'lampami ke'nanga angngerangi Isa mange ri balla'na Kayafas, Imang Lompoa. A'rappungang ngasemmi anjoreng sikamma guru-guru agamaya siagang sikamma pinggawana tu Yahudia.

MATIUS 27:35

Nampa nasalli' ke'nanga Isa. Na nabotorimi pakeanNa ero' nabage massing tawana.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

MARKUS 15:24

Nampa nasalli' ke'nanga Isa. Na nabotorimi pakeanNa ero' nabage massing tawana.

LUKAS 23:23

Mingka pila' ammarrang lompo tojemmi ke'nanga, angkana musti nisalliki Isa. Na kala'busanna niturukiammi ero'na ke'nanga.

LUKAS 23:33

Ri wattunna battu ke'nanga mange ri tampa' niarenga “Tangkora',” nisalli'mi Isa siagang anjo ruaya tau ja'dala' – sitau ri kanang na sitau ri kairinna Isa.

YOHANES 19:23

Le'baki nisalli' Isa ri surudadua, nialleammi ri ke'nanga care-careNa. Anjo care-carea nabage appaki ke'nanga: se're-se're tau anggappai sibageang. Nampa naalle todong jubaNa. Anjo jubaya tena nanijaiki – nitannunji battu irate sa'genna naung.

YOHANES 19:34

Mingka nia'mo kalase'renna anjo surudadua anto'doki poke sa'rinNa Isa, sa'genna assulu'mi ceraka accampuru' je'ne'.

YOHANES 19:37

Nia' pole tattulisi' lalang ri Kittaka, angkanaya, “Lanaciniki ke'nanga anjo Tau le'baka natobo'”.

YOHANES 20:25

Nakanamo ana'-ana' gurunNa Isa maraenganga ri Tomas, “Ikambe le'ba'mi nicini' Batara!” Mingka appialimi Tomas nakana, “Punna takucinikapa bate pakua ri limanNa, natenapa nakujamai anjo bokka'Na le'baka nipaku, siagang tenapa kujappuki bokka'Na ri sa'rinNa, tena sikali kutappa'.”

YOHANES 20:27

Nampa Nakana Isa ri Tomas, “Cini'mi anne limangKu siagang jamami. Pamaemi limannu nanujama sa'ringKu. Tea' mako bata-batai, mingka tappa' mako!”

FILIPI 3:2

Tutu laloko mae ri tau a'gau' ja'dalaka. Anjo tau kammaya siratangi nipasanrapang kongkong. Napassa-passai taua sollanna nisunna'.

PAPPICINI' 22:15

Mingka sikontu tau anggaukangai apa-apa tenaya matu-matunna, tau ammakea pangngissengang baca-baca, tau a'gau' bawanga, tau ammunoa, tau anynyombaya barhala, siagang tau a'balle-ballea, baji' na'balle-balle lalang bicara yareka lalang panggaukang, sikontu anjo tau kammaya pantaranganna ngasengi anjo kotaya tampa'na.