PAMMUJI 22:11 - KITTA' MATANGKASA'

¹¹ Battu ri lassukku, lalang limanTai sarengku, battu ri lalangku ri battang, iKattemi Allata'alaku.

PAMMUJI 22:11 ပူးပေါင်းရင်းမြစ်များ

2 KARAENG-KARAENG 14:26

Naciniki Batara antekamma sessana tu Israel, nampa tena manna sitau antulungi ke'nanga.

PAMMUJI 10:1

Angngapa Kibella, o, Batara na Kiaccokko ri wattu kasukkarrang ikambe?

PAMMUJI 35:22

Mingka iKatte, O, Batara, le'ba' anciniki; teaKi' a'mereki, o, Batara, teaKi' bellai battu ri nakke.

PAMMUJI 38:21

Tau ambalasakai kabajikanga siagang kaja'dallanga nabalianga' lanri kugaukanna kabajikanga.

PAMMUJI 69:18

TeaKi' accokkoi battu ri anne atanTa, saba' natujua' kasusaang, karo-karo maKi' antulunga'.

PAMMUJI 71:12

TeaKi' bellai battu ri nakke, o, Allata'ala, Allata'alaku, Kitulunga' linta'.

PAMMUJI 71:6

Lalang sikontu tallasakku tanjenga' mae ri Katte; iKatte anjagaia' battu ri nilassukangku nakutuli mammuji mae ri Katte.

PAMMUJI 72:12

Saba' nalappassangi tu nijallakkanga siagang tu tenaya pakkullena, siagang akkioki tu kasi-asia mae ri ia.

YESAYA 63:5

A'boyA' tau, mingka tena akkulle antulungA', lannasakKa' lanri tenana akkulle ambantuA'. Nampa kagassingang KalengKu antulungA', kalarroangKu ambantuA'.

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

MATIUS 26:72

Assassala'mi siagang assumpami Petrus nakana, “Tojenga', tena nakuassengi anjo taua!”

MATIUS 26:74

Assumpa-sumpa tojemmi Petrus nakana, “Matea' naung, tena tojeng nakuassengi anjo taua!” Anjo wattua attingkokomi janganga.

YOHANES 16:32

U'rangi! Angkanaya lanarapiki sallang wattunna, ba'lalo narapi'mi wattunna, nulanipasisa'la'-sa'la'. Massing lammoterekko mange ri balla'nu, nanubokoiA' Kale-kalengKu. Mingka tena nalaKale-kalengKu mamo, nasaba' niaki Manggea anrurungangA'.

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.