PAMMUJI 21:5 - KITTA' MATANGKASA'

⁵ Appalaki katallassang, naKisareang, umuru' mala'bu sa'genna satunggu-tungguna.

PAMMUJI 21:5 ပူးပေါင်းရင်းမြစ်များ

2 SAMUEL 7:19

Ba'lalo la'biangngang naanjo Kigaukanga, o Batara Kaminang Tinggia; le'bakKi' appare' janji ri passala'na jari-jariku untu' wattu labattua. Siagang Kipappicinikangi anjo passalaka mae ri nakke, manna nainakke anne poro tau biasaja' bawang, o Batara Kaminang Tinggia.

1 KARAENG-KARAENG 3:14

Na punna ikau, sangkamma Daud manggenu riolo, nuturukiA' siagang nupinawangi hukkung-hukkungKu, laKusareko umuru' sallo.”

1 PATTOTTORANG 17:27

Lanri kammana minjo nakuappala' tulummo ri Katte, poro Kibarakkaki turungangku sollanna tuli nakasia' pangngamaseanTa satunggu-tungguna. Nasaba' le'ba'mi Kibarakkaki umatTa, O, Batara, jari tuli lanibarakkakimi ke'nanga sa'genna satunggu-tungguna.”

PAMMUJI 110:1

Pammujina Daud. Nakana Batara ri karaengku, “Ammempoko ri sa'ri kanangKu, sa'genna Kupatundu' ngaseng sikamma musunnu.”

PAMMUJI 133:3

Yareka sanrapang saliu' ri Moncong Hermon, turunga mae ri Bulu'-bulu' Sion. Anjorengi Napaturung Batara barakka'Na, katallassang satunggu-tunggua.

PAMMUJI 3:3

Jaimi tau mangkana taerokai Allata'ala antulunga'.

PAMMUJI 61:7

Poro la'bu lalo umuru'na karaenga, sa'genna attallasa' a'bija-bija.

PAMMUJI 62:7

Iaji bawang anjagaia' siagang ampasalamaka'; Iaji angngagangnganga', tena kulata'lengga.

PAMMUJI 8:5

apa todong rupataua, nasiratang laKiu'rangi, inai todong ke'nanga, nasiratang Kiparakai?

PAMMUJI 96:6

Nikalimbuki ri kalompoang siagang kala'birang, Balla'Na rassi kakoasang siagang kaga'gang.

YESAYA 63:1

“Inaika anjo niaka battu ri Bozra ri Edom? ejai bajunna, pakeanna accayai; teai sipato' gammara'na batena a'jappa.” “INakkemi Batara akkullea appasalama' siagang battua angngerang kabara' pammetang.”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

YOHANES 17:1

Le'baki akkana kamma, accongami Isa nai' ri langika nampa Nakana, “Bapa', kamma-kamma anne narapi'mi wattunna. Kipakala'biri'mi AnatTa, sollanna Napakala'biri' tongKi' AnatTa.

YOHANES 17:22

Le'ba'mi Kusare kala'birang le'baka Kipassareang mae ri Nakke, sollanna a'jari se're ke'nanga, sangkamma iKatte siagang iNakke se're tonjaKi';

YOHANES 17:5

Bapa'! Kipakala'biri'Ma' kamma-kamma anne ilalang KalenTa, situru' kala'birang le'baka nipa'jului riolo, ri wattu tenanapa nanipa'jari anne linoa.

IBRANI 8:1

Poko'na anne sikamma nibicaraya iamintu: Nia' Imang Malompota sangkammaya anjo; niaka ammempo ammarenta siagang Allata'ala Kaminang Lompoa ri suruga.

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.