PAMMUJI 20:8 - KITTA' MATANGKASA'

⁸ Nia' tau ampattoangi kareta pa'bundukanna, nia' todong appattoangi jaranna. Mingka ikatte nipattoanga koasaNa Batara, Allata'alata.

PAMMUJI 20:8 ပူးပေါင်းရင်းမြစ်များ

2 KARAENG-KARAENG 19:23

Akkiringko tau untu' a'bicara tena bua'-bua'na angkanaya lanri jaina kareta bundu'nu nakkulle nubeta moncong-moncong kaminang tinggia ri Libanon. Nupattampo-tampoangi angkanaya nuta'bangi poko'-poko' camara kaminang tinggina siagang kaminang ga'gana kammayatompa nupantamakki romang-romang kaminang lompona.

2 PATTOTTORANG 14:10

Jari assulu'mi Asa andallekangi Zerah, siagang para naatoro'mi massing barisanna ri Lappara' Zefata ri ampi'na Maresa.

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

EZRA 8:22

Angngalika' appala' tantara a'jarang mae ri karaenga untu' anjagai ikambe battu ri musua lalang pa'jappanga. Nasaba' le'ba'mi kupau ri ia angkana Nabarakkaki Allata'alana ikambe sikamma tau anynyombaya ri Ia siagang Nakabirisi na Nahukkung sikamma tau tenaya najarre' tappa'na mae ri Ia.

PAMMUJI 124:8

Pannulunta iamintu battu ri Batara ampa'jariai langika siagang linoa.

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

PAMMUJI 33:16

Teai lanri jaina tantarana nammeta karaenga, tena nasalama' surudadua lanri kagassinganna.

PAMMUJI 33:17

Takkulleai jaranga nipattoang untu' ammeta, takkulleai appasalama' kagassingang lompona.

PANGNGEBARANG 21:31

Manna pole nipa'langka' pa'bundukanga siagang jarang pa'bundukang, mingka ampattantuai pammetanga iamintu Batara.

HOSEA 14:4

Takkulleai Asyur ampasalamaki ikambe, siagang jarang pa'bundukanga takkulleai antulungi ikambe. Tenamo nalakkio' Allata'ala ikambe mae ri patung-patung napareka ikambe. O, Batara, Kikamaseangi sikamma tau tenaya apa-apa lanapattoang lampasalamaki.”

MIKHA 7:8

Tena alasang mae ri musu-musunta untu' rannu pa'mai'na lanri kaancuranta. Nasaba' manna pole kitu'guru', mingka lambangung poleangki'. Kamma-kamma anne niakki' lalang ri sassanga, mingka laNasingariki' Batara.

YOSUA 11:4

Na battu ngasemmo anjo sikammaya karaeng siagang massing tantarana ke'nanga ia sannaka jaina rapang kassika ri biring tamparanga. Manna jaranna siagang kareta pa'bundukanna ke'nanga sanna todong jaina.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.

1 SAMUEL 17:45

Mingka appialimi Daud angkana, “Battuko mae angngewa' siagang pa'dang siagang poke kammayatompa paccoka, mingka inakke battua' angngewako lalang arenNa Batara Kaminang Koasaya, Allata'alana anjo tantara Israel nuhinaya.