PAMMUJI 20:7 - KITTA' MATANGKASA'

⁷ Anne kamma kuassemmi angkana Batara assarei pammetang mae ri karaeng nipileNa. Nipiali ri Batara battu ri suruga matangkasa'na; lanri koasaNa Batara, nanggappa pammetang lompo.

PAMMUJI 20:7 ပူးပေါင်းရင်းမြစ်များ

2 SAMUEL 10:18

Mingka nitunrungi ri tu Israel tantarana tu Siria. Daud siagang pasukanna nabunoi 700 tau paerang kareta pa'bundukang, siagang 40.000 tau tantara a'jarang; pantaranganna anjo Sobakh, panglima tantarana musua sarring tongi loko'na sa'genna mate ri tampa' pa'bundukanga.

2 SAMUEL 8:4

Natahangi Daud nia' 1.700 tau tantara a'jarang siagang 20.000 tau tantara a'jappa bangkeng. Napesoki kabusu'mi sikontu jaranga, pantaranganna siapa are jaina, anggannaka untu' sibilangngang kareta pa'bundukang.

2 PATTOTTORANG 13:16

sa'genna larimo ke'nanga. Nisaremi pammetang tu Yehuda ri Allata'ala.

2 PATTOTTORANG 14:11

Nampa appala' doang Asa ri Karaeng Allata'alana, nakana, “O Batara, iKatteji bawang akkulle ambantui tau lammaya andallekangi tau kassaka. Kitulung laloi ikambe kamma-kamma anne, o Karaeng Allata'alana ikambe! Ri Katteji bawang tanjeng ikambe, siagang lanri arenTa bawang nassulu' anne ikambe untu' angngewai anne pasukang sannaka lompona. O Batara, iKatteji bawang Allata'alana ikambe. TeaKi' pa'biangngi KalenTa nibeta ri se'reang rupatau.”

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

AYUB 39:11

Maka akkullei nurannuang buku magassinna, nampa nusuroi anjamangko jama-jamang terasa'nu?

PAMMUJI 28:8

Batara Nasarei kagassingang umma'Na, Napattojengi siagang Napasalamaki karaeng nipileNa.

PAMMUJI 45:17

Ikau, karaengku, langgappako jai ana' bura'ne untu' angngempoi empoang kala'biranna boe-boeta. Nupa'jari ke'nanga tau koasa mae ri sikontu linoa.

PANGNGEBARANG 21:31

Manna pole nipa'langka' pa'bundukanga siagang jarang pa'bundukang, mingka ampattantuai pammetanga iamintu Batara.

YESAYA 30:16

Ba'lalo apparekko rancana ero' lari battu ri musua a'dongko' jarang gassinga larina. Baji'mi! Memang musti lariko sinampe'! Nupikkiriki angkana gassingi larina anjo jarannu, mingka sitojenna gassingangngangi larina tau angngondangiako.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YEREMIA 17:5

Nakana Batara, “Punna nabokoiA' taua, Batarana, namanrannuang mae ri rupataua siagang tanjeng ri kagassinganna, laKuhukkungi anjo tau kammaya.

1 SAMUEL 13:5

Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”