PAMMUJI 20:4 - KITTA' MATANGKASA'

⁴ Poro Nau'rangi ngasengi sikontu passarenu, na sannang ri sikamma koro'bang nitununu.

PAMMUJI 20:4 ပူးပေါင်းရင်းမြစ်များ

2 SAMUEL 24:23

Napassareang kabusuki anjo sikammaya mae ri karaenga siagang nakana, “Dasi-dasi naNatarima Karaeng Allata'ala passareta karaeng.”

2 PATTOTTORANG 9:12

Pantaranganna hadia-hadia pa'balasa' biasaya napassareang Salomo, nasare tongi Salomo anjo ratu battua ri pa'rasangang Syeba iamintu sikontu apa napalaka. Nampa ammotere'mo anjo ratua mange ri pa'rasanganna siagang sikontu paeranna.

PAMMUJI 145:19

Napakasannangi pa'mai'na sikamma tau mappilangngeria; Napilangngeri pakkio'na siagang Napasalamaki ke'nanga.

PAMMUJI 21:2

O, Batara, ma'rannui karaenga lanri Kisarena kagassingang; ma'reja-rejai lanri Kisarena pammetang!

PAMMUJI 37:4

Boyai mate'nea ri Batara, Iami lampassukkukko ri nakaerokia pa'mai'nu.

PANGNGEBARANG 11:23

Kaerokanna tau bajika langngerangi kabajikang, mingka akkullea narannuang tau ja'dalaka iamintu pangngalarroi bawang.

MATIUS 21:22

Manna apa mamo nupala' lalang pappala' doangannu assala' tappa' tojeng-tojengko, ma'nassa lanutarimai apa nupalaka.”

YOHANES 11:42

Kuassengi angkanaya tuli Kipilangngeri pappalakKu; mingka naKupau anne, untu' ia ngaseng anne tau niaka anrinni, sollanna nakkulle tappa' ke'nanga angkanaya ma'nassa iKatte assuroA' battu.”

YOHANES 16:23

Ri anjo alloa sallang, tenamo nulakkuta'nang apa-apa mae ri Nakke. Tappa' mako angkanaya: apa-apa mamo nupala' mae ri Manggea lalang arengKu, laNapassareangi Manggea mae ri kau.

HAKING-HAKING 13:23

Appialimi bainenna angkana, “Punna ero' memang Batara ambunoki', tantu taerokai antarimai anjo koro'bang nipassombanga mae ri Ia. Siagang tena todong na laNappicinikang ngaseng anne sikammaya mae ri katte. Yareka tena na laNapauangki', anjo apa-apa le'baka Napau mae ri katte.”

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.