PAMMUJI 19:9 - KITTA' MATANGKASA'

⁹ Anjo paratoranNa Batara coco' sikali, appakasannangi pa'mai'. Anjo Napattantua Batara maci'nongi, napa'jari pahangi taua.

PAMMUJI 19:9 ပူးပေါင်းရင်းမြစ်များ

PA'JARIANG 22:12

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

PA'JARIANG 42:18

Ri makatalluna alloa nakanamo Yusuf ri ke'nanga, “Inakke tau mallaka' siagang tau mannurukia' ri Allata'ala. Lakulappassangko, mingka nia' se're sara'na.

1 KARAENG-KARAENG 18:12

Punna a'lampama' battu anrinni, gassingka labattui RohNa Batara angngerangki' ri se'reang tampa' tenaya nakuassengi! Nampa punna kupauang Ahab angkanaya niakki' anrinni, nampa tena nakkulle ambuntulukki', ma'nassa lanabunoa'. Parallui kiasseng bapa', angkanaya inakke anne attojeng-tojenga' assambayang mae ri Batara baku' battu ri ca'diku!

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

PAMMUJI 10:5

Anjari ngaseng sikontu usahana tu ja'dalaka; tanaassengai yareka tanapahangai hukkunNa Batara na nacini' tuna sikontu balinna.

PAMMUJI 111:10

Inai ero' cara'de' musti napakalompoi Batara, Nasarei pammahang sikontu tau mannurukia. Nipujimi Batara satunggu-tungguna!

PAMMUJI 115:13

LaNabarakkaki sikamma tau mappilangngeria, baji' tau ca'di kammayatompa lompoa.

PAMMUJI 119:1

Mate'nei tau tenaya callanna lalang tallasa'na siagang mannurukia ri hukkunNa Batara.

PAMMUJI 119:106

Kupa'janjianga siagang sumpa lakurupai, untu' anna'gala' ri kaputusang adeletTa.

PAMMUJI 119:111

ParentaTa iami pisakaku satunggu-tungguna, ampakarannui pa'maikku.

PAMMUJI 119:142

KaadelanTa attahangi satunggu-tungguna, siagang tulusu' tojenna hukkunTa.

PAMMUJI 119:39

Kipakabellai panghinaang kukamallakkanga, lanri tamaka baji'na hukkunTa.

PAMMUJI 119:62

Lantang bangngi kumbangung ero' mammuji ri Katte, lanri sikamma kaputusang adeletTa.

PAMMUJI 119:7

Punna kupilajari kaputusang adeletTa, mammujia' mae ri Katte situlusu' pa'maikku.

PAMMUJI 119:75

Kuassengi angkanaya adeleki kaputusanTa, o, Batara, le'ba'ma' Kihukkung lanri tamamminraTa,

PAMMUJI 12:7

Majarreki janjinNa Batara siagang akkullei nirannuang, sanrapang pera' ci'nong niso'ri lalang pepe'.

PAMMUJI 147:19

Napabattui pasanNa mae ri umma'Na, katantuanNa siagang hukkunNa mae ri umma' nipileNa.

PAMMUJI 36:1

Untu' pamimping pakelong. Battu ri Daud, atanNa Batara.

PAMMUJI 36:6

O, Batara, pangngamaseanTa santinggi langika, tamamminraTa sa'genna rammanga.

KALAPPASSANG 21:1

Nampa Nakanamo Batara mae ri Musa, “Passareangi anne sikammaya paratoranga mae ri tu Israel:

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

YESAYA 26:8

Mannuruki ikambe ri kaputusanTa, o Batara, siagang mattayang-tayang ri Katte; iKattemi napuji siagang nakanakkukang atinna ikambe.

YESAYA 45:19

Tena Kuccokko-cokko a'bicara, yareka a'bicara rahasia. Tena Kusuroi ummakKu Israel sia-sia amboyai KalengKu. INakke, Batara, Makkana tojeng, siagang ampaui apa annabaya.”

LAMPA-LAMPANA 10:22

Appialimi ke'nanga angkana, “Kapiteng Kornelius ansuroi anne ikambe battu mae. Anjo Kornelius tau baji', siagang tau malla' ri Allata'ala, kammayatompa sanna' nipakalompona ri sikamma tu Yahudia. Niaki malaeka'Na Allata'ala ansuroi sollanna nasuro kiokki' mange ri balla'na. Iaminjo ampa'nassai angkanaya nipilangngerimi pappala' doanna ri Allata'ala, punna akkullemo nalangngere' apa lakipabattua mae ri ia.”

ROMA 11:22

Jari anrinni akkullei nicini' antekamma baji'Na Allata'ala, mingka akkulle tongi nicini' antekamma terasa'Na. Sanna' terasa'Na mae ri tau dorakaya, mingka sanna' baji'Na mae ri kau ngaseng – assala' tuli tutuko attallasa' battu ri kabajikanNa. Nasaba' punna tena, ma'nassa lanipela' tongko.

ROMA 2:2

Niassemmi angkanaya punna Napabattumi hukkunganNa Allata'ala mae ri sikamma tau a'gau' kammaya anjo, anjo hukkunganga siratang memang tongi.

PAOLE 4:8

Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

PAPPICINI' 16:7

Nampa nia' kulangngere' sa'ra battu ri tampa' pakkoro'bangnganga angkana, “Batara, Allata'ala Kaminang Koasaya, annabai siagang adeleki sikamma hukkungang le'baka Kitappuki!”

PAPPICINI' 19:2

Adeleki siagang annabai pangngadelanNa! Napabattumi hukkunganNa mae ri pasundala' lompoa, ampanrakiai linoa siagang gau' bawanna. Le'ba'mi Nahukkung Allata'ala anjo pasundalaka, lanri nabunona sikamma ata-atanNa Allata'ala.”

1 SAMUEL 12:24

Pakala'biriki Batara, siagang anynyombako mae ri Ia siagang teako amminrai lalang sikontu atinnu. U'rangi sikamma panggaukang malompoNa, ia le'baka Nagaukang mae ri kau.