PAMMUJI 19:5 - KITTA' MATANGKASA'

⁵ Mingka pakkio'Na kalangngerangi ri sikontu linoa, pappasanNa ta'rapiki sa'genna cappa'-cappa'na buttaya. Appareki Batara balla' ri langi' untu' mataalloa.

PAMMUJI 19:5 ပူးပေါင်းရင်းမြစ်များ

AYUB 38:13

Le'bakko assuroi alloa anta'galaki buttaya siagang nabe'besang tau ja'dalaka battu ri tampa' paccokkoanna ke'nanga?

KATO'BA 1:5

Alloa tuli ammumbana siagang tuli labuna. Posomi ammotere' mange ri tampa'na riolo, nampa ammumba poleang.

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 62:5

Rapang se're turungka ambuntingi se'rea tulolo, kammaminjo Mappa'jarinu laNanikkaiko. Rapang bunting bura'ne rannu anciniki bainenna, kammaminjo batenu laNingai ri Allata'ala.

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.