PAMMUJI 19:11 - KITTA' MATANGKASA'

¹¹ Lompoangangi anggaranna HukkunNa Batara na bulaeng ti'no', te'neangangi naje'ne' bani tenaya bengkoro'na.

PAMMUJI 19:11 ပူးပေါင်းရင်းမြစ်များ

2 PATTOTTORANG 19:10

Punna nia' agannu battu ri pa'rasangang maraeng angngerang mae ri kau se'reang kara-kara pammunoang, kara-kara andakkai hukkung yareka kara-kara andakkai undang-undang, parallui nusare kasingarang ke'nanga. Lalang kammana anjo tenamo nasala ke'nanga mae ri Batara, siagang tenamo Nalalarro Batara mae ri kau yareka mae ri ke'nanga. Gaukangi anne apa kuparentakanga, jari tenamo nulasala.

PAMMUJI 119:103

Tamaka te'nena kana-kananTa, te'neangngangi naje'ne' bania!

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAMMUJI 119:72

Untu' inakke tinggiangangi anggaranna hukkunTa kala sikontu bulaenga siagang peraka ri lino.

PANGNGEBARANG 11:18

Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

PANGNGEBARANG 24:14

kammatommi anjo, anjo kacara'dekanga bajiki untu' nyawanu. Punna cara'dekko, singara'mi allo lanudallekanga.

PANGNGEBARANG 29:18

Bansa tenaya Nipimpingi ri Batara a'jari bansa tuli rassi karicuang. Mate'nei taua ia mannurukia ri hukkunNa Batara.

YEHEZKIEL 3:3

Nakana, “He tau, kanrei! Bonei battannu siagang anne kitta' nigulunga.” Nampa kukanre anjo kittaka na kasia'na te'nei sangkamma je'ne' bani.

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

MATIUS 6:18

sollanna tena naassengi tau maraenga angkanaya appuasako; passangalinna Manggenu bawang ri suruga angngassengi. Na iaminjo Manggenu ri suruga lassareko sallang pahala lanri appuasanu.”

MATIUS 6:4

Boli'mi kamma na Allata'ala Manggenu ri suruga bawang anciniki siagang angngassengi anjo passidakkanu. Iami sallang assareko pahala lanri assarenu passidakka.”

MATIUS 6:6

Jari, ikau punna erokko assambayang, antamakko ri bili'nu nampa nutongko' pakke'bu'nu, nunampa assambayang ri Allata'ala Manggenu, tenaya naniciniki. Na Manggenumi anciniki anjo sambayannu nugaukanga ri pammantangang taccokkoa. Iami sallang lassareko pahala lanri anjo sambayannu.

LAMPA-LAMPANA 20:31

Lanri kammana, paralluko a'jaga-jaga! U'rangi angkanaya tallun taungi salloku tammari-maria angngajarakko allo bangngi, siagang jaimi je'ne' matangku ammatti' lalang kugaukanna anjo jama-jamanga.

1 KORINTUS 4:14

Teai lanri erokku ampakasirikko nakutulisi' anne kammaya mae ri kau, mingka lanri erokku ampakaingakko sangkamma ana'-ana' kalengku.

1 TESALONIKA 5:14

Kipala' tongi mae ri kau ngaseng sari'battang, sollanna nupakainga' siagang kana-kana baji' tau tenaya naero' anjama lalang ri katallassanna. Pakalompoi pa'mai'na tau la'ba pa'maika; tulungi tau tenaya pakkullena, siagang sa'barakko mae ri yangasenna taua.

IBRANI 11:26

Naassengi Musa angkanaya la'bi lompoangangi anggaranna nipakatunaya lanri Karaeng Mappasalama' Napa'janjianga Allata'ala, naia anggappaya sikamma kakalumanynyangang battu ri butta Mesir; nasaba' pahala untu' allo ri bokoa narannuang Musa.

YAKOBUS 1:25

Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.

2 YOHANES 1:8

Lanri kammana, jagai gassingka niakko ampelaki anjo apa le'baka nausahakang ikambe untu' ikau ngaseng. Usahako sollanna nutarima ngaseng sawala'nu.

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”