PAMMUJI 18:9 - KITTA' MATANGKASA'

⁹ Tassappuru'mi umbua battu ri so'bolo' ka'murunNa, assulu'mi pepeka siagang bara pepeka battu ri bawaNa.

PAMMUJI 18:9 ပူးပေါင်းရင်းမြစ်များ

2 SAMUEL 22:10

Napuei langika, nampa manaung, lalang rammang sassang irawangngang bangkenNa.

PAMMUJI 50:3

Battui Allata'alata siagang talammantangai a'mereki, a'jappa rioloi ri pepe' a'lepa'-lepaka, nikulilingi ri angnging sannaka lompona.

PAMMUJI 68:4

Mingka tau bajika rannui siagang ma'reja-rejai, akkio' rannu-rannui ke'nanga ri dallekanNa Allata'ala.

PAMMUJI 97:3

A'la'baki pepeka ri dallekanNa, Napakamutungi musu niaka akkuliling.

KALAPPASSANG 19:18

Sikontu anjo Moncong Sinai katongkokangi ri umbu, lanri naunna Batara ri tompo'na lalang pepe'. A'rumbumi nai' anjo umbua rapang umbu battua ri pattunuang, siagang ta'goccang sanna'mi sikontu monconga.

YESAYA 51:6

Parhatikangi langika siagang ciniki buttaya; langika lalanynyaki rapang umbu na buttaya la'jari toai rapang baju toa, sikontu pandudu'na lamate ngasengi rapang lamu'. Mingka kasalamakkang Kupassareanga tuli nia'na satunggu-tungguna, siagang tena kale'bakkanna pammetangKu.

YESAYA 66:15

Tojeng, labattui Batara siagang pepe'; laNadongkoki karetaNa rapang anging lompo, untu' ampa'betteseki kalarroanNa, siagang angga'gara' lompo.

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

MARKUS 15:33

Ri tangngana alloa, niaki tallung tette' a'jari sassang ri sikontu anjo pa'rasanganga.

YOHANES 13:7

Appialimi Isa Nakana, “Kamma-kamma anne tanupahangai anne apa Kugaukanga; mingka ri bokopi sallang nampa nupahang!”

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.

IBRANI 12:26

Anjo wattua nipata'bangkai linoa ri sa'ranNa. Mingka kamma-kamma anne a'janjimi pole Nakana, “LaKupata'bangka iji sikalipi pole, teai linoa bawang, mingka langika pole.”

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.