PAMMUJI 18:31 - KITTA' MATANGKASA'

³¹ Sukku' ganna'na panggaukanNa Allata'ala akkulle nipatappa' janjinNa Batara. Sanrapangi pa'lapa' ri batangkale mae ri sikontu tau ma'la'langa mae ri Ia.

PAMMUJI 18:31 ပူးပေါင်းရင်းမြစ်များ

2 SAMUEL 22:32

Lanri Batara bawang Allata'ala; Allata'ala bawang angngalleiki'.

PAMMUJI 12:7

Majarreki janjinNa Batara siagang akkullei nirannuang, sanrapang pera' ci'nong niso'ri lalang pepe'.

PAMMUJI 86:8

O, Batara, tena batara pantaranganna iKatte, tena akkulle anggaukangi apa Kigaukanga.

PANGNGEBARANG 30:5

Narupai janjinNa Allata'ala. Sanrapangi pa'lapa' batangkale mae ri sikontu tau battua a'la'lang mae ri Ia.

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YEHEZKIEL 18:29

Na ikau, he sikamma tu Israel, nukanai anjo tindakanNa Batara salai. Maka salai anjo tindakangKu, he Israel? Tena! Passangalinna ikaumi sala!”

PAOLE 32:31

Naassengi musunna Israel angkanaya lammai pajagana ke'nanga, tena nasangkamma Allata'alana Israel hebaka.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

1 SAMUEL 2:2

Tena matangkasa' sangkamma Batara! Iaji bawang akkulle a'jari pa'la'lang.