PAMMUJI 18:29 - KITTA' MATANGKASA'

²⁹ Kiparinranga' suloku, Batara Allata'alaku ansingari kasassangangku.

PAMMUJI 18:29 ပူးပေါင်းရင်းမြစ်များ

2 SAMUEL 22:30

Kipakajarreka' untu' antumpasaki musua Nabantua' Allata'alaku anrumbangi pattahanganna ke'nanga.

2 SAMUEL 5:25

Nagaukammi Daud anjo apa Naparentakanga Batara, siagang akkullemi natunrung sa'genna ammunduru' anjo tu Filistin battu ri Geba sa'genna mange ri Gezer.

AYUB 29:3

Tuli Nasarea' pannulung, Nasingaria' ri wattungku a'jappa lalang ri sassang.

PAMMUJI 144:1

Battu ri Daud. Pujimi Batara pa'la'langangku! Ia angngajaraka' a'bundu', siagang allatia' assiba'ji.

PAMMUJI 144:10

Kisarei pammetang sikamma karaenga, siagang Kilappassang atanTa Daud.

PAMMUJI 27:1

Pammujina Daud. Batarami caya singarakku siagang kasalamakkangku, tena lakukamallakkang. Batara tampa' pa'la'langangku, tena kulamalla'.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

KOLOSE 2:15

Anjoremmi ri kayu salli'Na Almasi Napatundu' ngaseng sikontu roh-roh ammarentaya siagang niaka koasana. Lanipareki paccini'-cinikang ke'nanga ri dallekanna tau jaia ri wattunna nire'resang a'jari tu nitahang ke'nanga ri Almasi lalang ri barisang passua'-suarrang pammetanNa.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.

1 SAMUEL 17:49

Nakocci'mi kocikanna Daud, angngalle silisere' batu nampa napapatte' mange ri Goliat. Anjo batua nalappassangngimi antama' abanna Goliat, sa'genna reppe' ka'daro ulunna, nampa tattappasa' a'dalle' naung rupanna ri buttaya.

1 SAMUEL 23:2

Jari akkuta'nammi ri Batara angkana, “Mustika a'lampa' mange ambunduki tu Filistin?” Appialimi Batara angkana, “Iyo, bundukimi ke'nanga siagang pasalamaki pandudu'na kota Kehila.”

1 SAMUEL 30:8

Nampa akkuta'nang Daud mae ri Batara angkana, “Apaka musti kuondangi anjo garombolanga? Maka akkulleji kurapi' ke'nanga?” Appialimi Karaeng Allata'ala angkana, “Iyo, ondammi; lanurapiki ke'nanga nampa nulappassang sikamma tau nijakkalaka.”