PAMMUJI 18:25 - KITTA' MATANGKASA'

²⁵ Na Nabalasa'mo Batara panggaukang tojengku saba' Naassengi angkana tena kusala.

PAMMUJI 18:25 ပူးပေါင်းရင်းမြစ်များ

1 KARAENG-KARAENG 8:32

o Batara, poro Kipilangngeri ri suruga siagang Kitappuki parkarana anne ata-atanTa ngaseng. Hukkungi tau salaya situru' panggaukanna, siagang Kilappassangi tau tenaya nasala.

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

AYUB 8:6

punna lambusu' pa'mai'nu, tena callannu, laNatulungko linta' Allata'ala; na a'jari pa'balasa'na, laNapakabajiki ammotere' ruma tangganu.

PAMMUJI 62:12

Pissiapammi kulangngere' Allata'ala angkana, anjo kakoasanga battu ri Ia,

YESAYA 26:7

Tau lambusuka pa'mai'na a'jappai ri oloang lambusuka, saba' iKatte, Batara, amparekangi oloang.

MATIUS 5:7

Mate'nei tau mangngamaseanga ri paranna tau; nasaba' iami lanikamaseang todong ri Allata'ala!

ROMA 9:14

Jari apa bodona kana kamma-kamma anne? Lanikana tena naadele' Allata'ala? Mattantuna adeleki Allata'ala!