PAMMUJI 18:20 - KITTA' MATANGKASA'

²⁰ Nalappassanga' battu ri bahayaya Napasalamaka' lanri mangngellaiNa mae ri nakke.

PAMMUJI 18:20 ပူးပေါင်းရင်းမြစ်များ

AYUB 22:30

LaNatulungko Allata'ala punna tena nusala, siagang punna nugaukang ero'Na.”

AYUB 36:16

Napakabebasa' mako Allata'ala battu ri kasukkarang, sa'genna akkulle nukasia' kasannangnganga, siagang rassi mejang pangnganreannu siagang kanre.

PAMMUJI 118:5

Lalang kasukkarangku akkioka' mae ri Batara; nampa appiali na Nalappassanga'.

PAMMUJI 18:24

Naassengi angkana tena callangku siagang kupakabellai kalengku battu ri kasalanga.

PAMMUJI 24:4

Tu tenaya callanna pikkiranna siagang panggaukanna, tenaya nassumpa napare'-pare' siagang tenaya nanynyomba barhala.

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

PAMMUJI 31:9

Tena Kibalang parekanga' nitahang ri musua, mingka Kipa'jaria' laloasa a'jappa.

PAMMUJI 58:11

Rannui tau lambusuka anciniki tau ja'dalaka nihukkung, na nabissai bangkenna lalang cera'na tau dorakaya.

PAMMUJI 7:3

Teaki' lappassangi ke'nanga sanrapang singa angkokkoka' siagang anre'resanga' na taena pannulungku.

PAMMUJI 7:8

Kipa'rappungi sikontu bansa-bansaya ri tammuliliTa, Kikoasai ke'nanga battu ri empoang kala'biranTa ri suruga.

PANGNGEBARANG 11:18

Kaupakkanna tau ja'dalaka iamintu kaupakkang takontutojeng, kaupakkanna tau a'gau' bajika iami kaupakkang sitojennaya.

YESAYA 49:4

Mingka kukana, “Tena matu-matunna posoku; la'busu' sia-siaji kagassingangku!” Mingka tappaka' angkana Napattojengi Batara hakku, Nabalasakka' Allata'ala situru' panggaukangku.

YESAYA 62:11

Napassareangi Batara anne pasanga mae ri sikontu cappa'na buttaya, angkana, “Pabattui mae ri pandudu'na Sion angkana, ‘Ciniki, battumi Batara Mappasalamaka! Nirurungang ri sikamma tau le'baka Nalappassang.’ ”

MATIUS 6:4

Boli'mi kamma na Allata'ala Manggenu ri suruga bawang anciniki siagang angngassengi anjo passidakkanu. Iami sallang assareko pahala lanri assarenu passidakka.”

1 KORINTUS 3:8

anjo ruaya sangkammai. Massing lanatarimai pahalana situru' pakkaresoanna.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

1 SAMUEL 24:17

Nampa nakanamo ri Daud, “Ikau annaba, na inakke sala.