PAMMUJI 18:15 - KITTA' MATANGKASA'

¹⁵ Napabuccuki ana'-ana' panaNa nampa Napasimbung sikamma musua; Napasisambung-sambummi Napakila' kila'Na, sa'genna lari ngaseng ke'nanga.

PAMMUJI 18:15 ပူးပေါင်းရင်းမြစ်များ

2 SAMUEL 22:16

Ammumbai dapara'na tamparanga siagang tassungke dapara'na buttaya ri wattu larroNa angga'garaki musunNa

2 KARAENG-KARAENG 19:7

Batara lampakamallaki anjo karaeng Asyur sollanna naparhatikang kabara' anginga sa'genna ammotere' mae ri pa'rasanganna, siagang anjorengi lanibuno.”

AYUB 36:32

Najakkalaki kilaka siagang limanNa nampa Nasuro akkila' ri apa laNatujua.

AYUB 4:9

Sanrapang anging puttusu', kammaminjo larroNa Allata'ala ampanraki ke'nanga sa'genna cappu'!

PAMMUJI 104:5

Kijarreki Kitannang buttaya ri dasara'na, sa'genna tena nalata'lengga satunggu-tungguna.

PAMMUJI 106:9

Lanri parentaNa na'jari kalotoro' Tamparang Alara', Ia angngerangi umma'Na a'jappa numalo ri tamparang, sanrapang numalo ri parang lompoa.

PAMMUJI 144:6

Kipasambilai kilatTa sollanna tassimbung-simbung musua, Kipabuccuki ana' panaTa sollanna gegere' ke'nanga.

PAMMUJI 74:15

Kipa'lo'loroki je'ne' timbusenga siagang je'ne' binangaya; binanga lompoa Kipa'jari kalotoroki.

PAMMUJI 76:6

Sikamma tubarania nialleammi apa-apanna; tattappasa'mi naung talambangunga pole. Sikamma surudadu porena tappela' ngasemmi kagassinganna.

PAMMUJI 77:18

Rammanga appaturungi bosi, a'gamarrungi gunturuka; akkilaki kilaka ri kere-keremae.

PAMMUJI 92:10

Naassengi ikambe angkana lanipaccappuki musunTa, o, Batara, lanipasimbungi sikontu tau ja'dalaka.

KALAPPASSANG 15:8

Kituiki tamparanga, ta'gulung tinggi je'neka, ammenteng kassa' rapang tembo', sa'genna akkulle niolo dapara'na tamparanga.

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YEREMIA 31:37

Ebara' angkana nia' se're wattu nakkulle niukkuru' langika, siagang akkulle nisalidiki dapara'na rawa buttaya, iaminjo wattua nalaKusorongboko Israel lanri sikontu panggaukang ja'dala'na ke'nanga. INakke, Batara, anne akkana.”

YUNUS 2:6

Je'ne' tu'guruka narapiki bangkenna pa'monconganga, ri lino takkoncia pakke'bu'na sa'genna kala'busang jammang. Poso dudumi nyawaku lalang ri kalengku nampa angngu'rangia' siagang akkio' mae ri Katte. Nata'rapi'mo pappala' doangku mae ri Katte, antama' ri Balla' matangkasatTa. Nampa Kipanaika' battu lalang ri tamparanga, o Karaeng Allata'alaku!

MIKHA 6:2

He sikamma monconga, he sikamma lappara'na buttaya, pilangngeri tuduhanNa Batara! Nia' parkaraNa siagang Israel umma'Na siagang laNatuntuki ke'nanga.

ZAKHARIA 9:14

LaNapappicinikangi KalenNa Batara mae ri umma'Na, sanrapangi kila' nipabuccu' ana'-ana' panaNa. Batara Kaminang Tinggia lappasa'ra' tarompe' pammatei maju a'bundu', nampa a'jappa maju lalang anging barubu battu timboro'.

1 SAMUEL 7:10

Ri wattunna sitabang napassareang anjo koro'bang nitunua, appakkaramulami tu Filistin battu ambunduki tu Israel. Mingka sitabang le'baki anjo wattua a'gunturu'mi Batara battu ri langika mae ri ke'nanga. A'jari siricuimi ke'nanga nampa piti lari-lari napakamma lingu.