PAMMUJI 18:13 - KITTA' MATANGKASA'

¹³ Battu ri kila' niaka ri dallekanna, assuluki rammanga, bosi a'batu siagang pepe'.

PAMMUJI 18:13 ပူးပေါင်းရင်းမြစ်များ

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

PAMMUJI 104:7

Punna Kiga'gara', a'lo'loroki anjo je'neka, a'lo'loro' kancang lanri arrunna sa'ranTa.

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

PAMMUJI 140:10

TeaKi' lappassangi musungku ammeta; boli'mi kamma kana-kana ja'dala' napau ke'nanga iaminjo antujui kalenna ke'nanga ampitinaya'.

PAMMUJI 78:48

Nalappassangi bosi eska antujui olo'-olo' piarana ke'nanga, siagang nituju ri kila' olo'-olo' piarana ke'nanga.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 9:24

bosi eska ia sanna' dudua siagang nirurunganga ri kila' assisambung-sambunga. Iaminjo bosi es kaminang sannaka lalang ri riwaya'na Mesir.

YEHEZKIEL 10:5

Sa'ra pakkape'na ka'nyi'na anjo sikamma malaeka' akka'nyika kalangngerangi sa'genna ri paranglakkeng pantaranga, rapang sa'ranna Allata'ala Kaminang Koasaya.

HABAKUK 3:5

Kisuroi garringa a'jappa ri dallekanTa nakamateanga amminawang ri bokoTa.

YOHANES 12:29

Nalangngere'mi tau jai niaka anjoreng anjo sa'raya. Nakanamo ke'nanga, “Gunturu' anjo!” Mingka nia' tommo angkana, “Teai! Malaeka' anjo a'bicara mae ri Ia!”

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.

PAPPICINI' 19:6

Le'baki anjo nia'mo kulangngere' kamma sa'ra tau sannaka jaina sipa'rappungang; sa'ranna sangkammai sa'ra bombang sannaka lompona siagang sangkammai gunturu' a'gamarrunga. Kulangngere'mi ke'nanga angkana, “Pujimi Allata'ala! Nasaba' Iami Batara, Allata'alata Kaminang Koasaya, ammarentaya kamma-kamma anne!

PAPPICINI' 4:5

Accayai anjo empoang kala'biranga sanrapang kila' angngeranga sa'ra gunturu' sannaka lompona. Na ri dallekanna anjo empoang kala'biranga, nia' tuju sulo a'rinra; iaminjo tujua RohNa Allata'ala.

PAPPICINI' 8:5

Nampa naalle anjo malaekaka anjo pa'dupanga, na nasare pepe' battua ri tampa' pakkoro'bangngang, nampa napasambila irateanganna buttaya. Assa'ra lompomi gunturuka siagang assisambung-sambummi kilaka; kammayatompa ta'ge'goso'mi buttaya.

1 SAMUEL 7:10

Ri wattunna sitabang napassareang anjo koro'bang nitunua, appakkaramulami tu Filistin battu ambunduki tu Israel. Mingka sitabang le'baki anjo wattua a'gunturu'mi Batara battu ri langika mae ri ke'nanga. A'jari siricuimi ke'nanga nampa piti lari-lari napakamma lingu.