PAMMUJI 16:11 - KITTA' MATANGKASA'

¹¹ Kipicinikianga' oloang mangea ri katallassanga; battu ri Kattema' anggappa karannuang alla'bi-la'bi siagang mate'ne sa'genna satunggu-tungguna.

PAMMUJI 16:11 ပူးပေါင်းရင်းမြစ်များ

PAMMUJI 139:24

Kicinikimi gassingka nia' kaja'dallang lalang ri kalengku, siagang kirenrenga' mae ri oloang mannannunganga.

PAMMUJI 17:15

Mingka lamacconga' accini' mae ri Katte, lanri tena nakusala. Ri wattungku ambangung, kahaderanTa ampakarannui pa'maikku.

PAMMUJI 4:8

Kipa'jari la'bi rannu pa'maikku natau la'bi jaia kattoanna.

PAMMUJI 68:4

Mingka tau bajika rannui siagang ma'reja-rejai, akkio' rannu-rannui ke'nanga ri dallekanNa Allata'ala.

PANGNGEBARANG 12:28

Tau amminawanga ri oloang annabaya lamate'nei ri tallasa'na; tau amminawanga ri oloanna tau ja'dalaka lamangei ri matea.

PANGNGEBARANG 2:19

Tau a'lampaya mange ri ia talammoterami mange ri oloang lamangea ri katallassanga.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

PANGNGEBARANG 5:6

Tena natuli ammantang ri oloang lamangea ri katallassanga; tanaassenga kalenna nammengkamo battu ri anjo oloanga.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

MATIUS 25:33

Sikamma tau le'baka anggaukangi ero'Na Allata'ala laNapa'rappungangi ri sa'ri kananNa, na maraenganga ri sa'ri kairinNa.

MATIUS 25:46

Jari lanihukkung ngaseng minjo taua sa'genna satunggu-tungguna. Mingka tau anggaukangai ero'Na Allata'ala, lanakasia'mi katallassang sitojennaya siagang mannannunganga.”

MATIUS 5:8

Mate'nei tau lambusu' pa'maika; nasaba' iami langngassengi Allata'ala!

MATIUS 7:14

Mingka seppaki siagang sukkaraki pakke'bu' angngoloa mange ri katallassanga, nasike'de'ji tau angngolo anjoreng.”

MARKUS 16:19

Le'baki a'bicara Isa siagang ke'nanga, ta'angka'mi Isa nai' ri suruga. Anjorengi ammarenta siagang Allata'ala.

LAMPA-LAMPANA 2:28

Le'ba'ma' Nujo'jokang oloang mangea ri katallassang sitojennaya. Sanna' sikalimi lompona rannuku, lanri nia'Nu anrurunganga'.’

LAMPA-LAMPANA 7:56

Nakanamo Stefanus, “Ciniki, tassungkei kucini' surugaya na nia' Ana' Ma'rupataua ammenteng ri sa'ri kananNa Allata'ala!”

ROMA 8:11

Punna niaki lalang ri kalennu RohNa Allata'ala, iamintu Roh ampattallasa' poleangai Almasi battu ri kamateanga, Ia tomminjo RohNa lampattallasaki tubunu akkullea mate.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

2 KORINTUS 4:17

Na anne kasusaang tenaya nasiapa jaina, le'baka nakasia' ikambe siagang tenaya nasiapa sallona, iami langngerang wassele' katallassang mate'nea, wassele' sannaka lompona anggaranna siagang akkullea mannannungang. Bella lompona anjo kate'neanga na anjo kasusaanga ri kamma-kammaya anne.

EFESUS 3:19

tenaya nakkulle napahang baji' akkala'na rupataua. Poro nupahang lalo anjo pangngamaseanNa Almasi, sa'genna Napa'jari sukku' Allata'ala batangkalennu.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.