PAMMUJI 148:5 - KITTA' MATANGKASA'

⁵ Bajiki punna mammuji ngaseng ke'nanga ri arenNa Batara, saba' yangasenna nipa'jari lanri parentaNa.

PAMMUJI 148:5 ပူးပေါင်းရင်းမြစ်များ

PA'JARIANG 1:6

Nampa Nakanamo Allata'ala, “A'jariko se're pannahang untu' ansa'laki anjo je'neka a'jari ruang pammantangang, siagang nanatahang lalang ri tampa' tassa'laka.” Nakajariammo anjo passalaka. Kammaminjo Napare'na Allata'ala pannahang ampasisa'lakai je'ne' niaka irawanganna anjo pannahanga siagang niaka irateanganna.

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

PAMMUJI 95:5

Ia angkoasai tamparanga, saba' Ia ampareki, bontoa pole bate pare'Na todong.

AMOS 9:6

Nabangungi Balla'Na Batara bella nai' ri allaka, irateanna buttaya Natannangi langika salaku pa'rangka', siagang je'ne' battua ri tamparang Natumpai nai' ri bontoa, Ia anggaukanga kabusuki anjo sikammaya iamintu Batara arenNa.

PAPPICINI' 4:11

“O Batara, Allata'alana ikambe! IKatteji bawang siratang annarima pammuji, pappakala'biri' siagang kakoasang. Nasaba' iKattemi ampa'niaki sikontu apa-apa niaka, siagang lanri erotTa tommi nanjari siagang attallasa' sikontu apa-apa niaka.”