PAMMUJI 148:14 - KITTA' MATANGKASA'

¹⁴ Le'ba'mi Napakajarre' bansana, sa'genna nipuji-pujimo ri umma'Na, Israel, umma' nasayanNa. Pujimi Batara!

PAMMUJI 148:14 ပူးပေါင်းရင်းမြစ်များ

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PAMMUJI 145:10

Sikontu bate paretTa mammuji mae ri Katte, o, Batara, sikontu ummatTa lappala' sukkuruki mae ri Katte.

PAMMUJI 149:9

untu' anghukkungi bansa-bansaya lanri parentaNa Allata'ala. Iaminjo pammetanna umma' Nakamaseanga. Pujimi Batara!

PAMMUJI 75:10

Mingka latuli kukabarrangi Allata'alana Yakub, kukelongangi lagu-lagu pammujia mae ri Ia.

PAMMUJI 89:17

Sila'busu' allo rannu ke'nanga siagang tuli majarre', lanri kabajikanTa.

PAMMUJI 89:18

Kisarei ikambe pammetang lompo, lanri kabajikanTaji bawang nammeta ikambe.

PAMMUJI 92:10

Naassengi ikambe angkana lanipaccappuki musunTa, o, Batara, lanipasimbungi sikontu tau ja'dalaka.

YEREMIA 17:14

Batara, Kipammollea', nakua'jari akkamale. Pasalamakka', nakuakkulle salama'. IKatteji bawang Kupakala'biri'!

LUKAS 1:52

Napanaung ri empoanna sikontu tu nikaraengang napanai' ri tinggia, sikontua tu nihina.

LUKAS 2:32

Sanrapang singara', ansingaria oloanna bansa-bansa maraenga, untu' labattu mae ri Katte; singara' angngeranga kala'birang mae ri ummatTa Israel.”

EFESUS 2:13

Mingka kamma-kamma anne asse're mako siagang Isa Almasi. Riolo bellako, mingka kamma-kamma anne nipa'reppese' mako, lanri kamateanNa Almasi.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.

EFESUS 2:19

Lanri kammana, teai mako tau maraeng yareka tau pantarang. Kamma-kamma anne para umma'Na ngaseng mako Allata'ala. Anggota-anggota ngaseng mako lalang ri balla'Na Allata'ala.

PAOLE 10:21

Mammujiko mae ri Ia, nasaba' Iami Allata'alanu. Mata kalennumi le'ba' anciniki sikamma gau' malompo siagang gau' heba' Nagaukanga untu' ikau ngaseng.

PAOLE 4:7

Bansa lompo kereanga nia' allata'alana a'reppese' kammaya punna niparalluangi sangkamma a'reppese'na Karaeng Allata'alata? Kere-kere wattu nikkio' mae ri Ia musti appiali.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.

1 SAMUEL 2:1

Nampa appala' doang Hana, angkana, “Napakarannui Batara atingku; gau'Na napakasannangi nyawaku. Mate'nei kusa'ring ancau-caui musungku, nasaba' le'ba' tojeng-tojengku Natulung Allata'ala.