PAMMUJI 147:14 - KITTA' MATANGKASA'

¹⁴ Ia anjagai daeranu sollanna tuli amang, ampakabassorokko siagang gandung kaminang bajika.

PAMMUJI 147:14 ပူးပေါင်းရင်းမြစ်များ

1 PATTOTTORANG 22:9

Mingka manna nakamma, le'ba'ma' Najanji angkana: ‘Langgappako sitau ana' bura'ne laamanga ammarenta, nasaba' laKubantui sa'genna tena musu lambunduki. Laniarengi Salomo nasaba' lalang ammarentana, laKusarei kasannangang siagang kaamangngang ri sikontu Israel.

PAMMUJI 122:6

Appala' doangko untu' kasalewanganna Yerusalem angkana, “Poro salewangangi sikontu tau mangngaia ri Katte.

PAMMUJI 132:11

Le'ba'mi assumpa Batara mae ri Daud; tena nalaNakaluppai janjinNa. Nakana, “Sitau ana'nu laKupa'jari karaeng untu' ammarenta ansambeangko.

PAMMUJI 132:15

Sikontu kaparalluanna laKusarei alla'bi-la'bi, tu kasi-asina laKusarei kanre sa'genna bassoro'.

PAMMUJI 29:11

Poro nisare lalo kagassingang umma'Na ri Batara, na Napa'jari ke'nanga salewangang.

PAMMUJI 81:16

Tau birisika ri ke'nanga laKupatunduki, lanihukkungi ke'nanga satunggu-tungguna.

YESAYA 66:12

Saba' Nakana Batara, “LaKusareko kasalewangang rapang binanga assolonga; kakalumanynyangnganna bansa-bansaya lanierangi mae ri kau rapang binanga allumpa-lumpaya je'ne'na. Rapangko ana' nipasusua siagang nikalawinga ri amma'na, siagang nisapu-sapua ulunna ri riwaanna.

YEHEZKIEL 16:13

Kammami anjo batenu a'belo-belo bulaeng siagang pera'; pakeannu battu ri kaeng lenang siagang sa'be nisulang. Akkulleko angnganre roti battu ri tarigu kaminang bajika, siagang je'ne' bani kammayatompa minynya' zaitun. Ga'ganu teai sipato' siagang a'jariko rapang baine karaeng.

YEHEZKIEL 27:17

Yehuda siagang Israel napassambei barang-barang danggangannu siagang gandung, je'ne' bani, minynya' zaitun, siagang rampa-rampa.

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

ZAKHARIA 9:8

LaKujagai buttaKu siagang laKutahangi sikamma pasukang-pasukang bansa maraeng niaka ero' allaloi. Tenamo nalaKupa'biang sikamma tumanjallakkanga anjajai ummakKu. Nasaba' Kucini'mi kasessanna ke'nanga.”

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.