PAMMUJI 145:5 - KITTA' MATANGKASA'

⁵ Lanabirittakangi kalompoanTa siagang kala'biranTa, bate pare' malompoTa lakunawa-nawai.

PAMMUJI 145:5 ပူးပေါင်းရင်းမြစ်များ

PA'JARIANG 24:63

Ri se'reang karueng assuluki battu ri kemana ero' mange a'jappa-jappa ri kokoa. Nampa nacini'mo angkana nia' siapa are jaina unta battu.

1 PATTOTTORANG 16:9

Akkelongko pammuji mae ri Batara birittakangi sikamma bate pare' malompoNa.

PAMMUJI 105:2

Akkelongko kelong pammuji mae ri Batara, kabarrangi sikontu bate pare'Na appakalannasaka.

PAMMUJI 111:3

Malompoi siagang nipuji jama-jamanNa Batara, kaadelanNa sa'genna satunggu-tungguna.

PAMMUJI 119:27

Kitulunga' untu' ampahangi hukkung-hukkunTa, ajarang malompoTa lakunawa-nawai.

PAMMUJI 71:24

Sila'busu' alloi lakukabarrang kaadelanTa, saba' sikamma tau eroka ancilakaia' le'ba'mi nibeta siagang nipakasiri'.

PAMMUJI 72:18

Nipujimi Batara, Allata'alana Israel! Iaji bawang akkulle anggaukangi apa-apa appakalannasaka.

PAMMUJI 96:3

Caritai kalompoanNa mae ri bansa-bansaya, siagang panggaukang-panggaukang poreNa mae ri umma' rupataua.

YESAYA 12:4

Nia' sallang se're wattu na nukana, “Sukkurukko mae ri Batara, siagang anynyombako ri Ia. Kabarrangi mae ri bansa-bansaya kalompoanNa siagang sikontu panggaukanNa.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

PAOLE 32:3

Kumammuji ri arenNa Batara. Kabarrangi kalompoanNa Allata'alata!