PAMMUJI 145:12 - KITTA' MATANGKASA'

¹² sollanna naasseng sikontu taua panggaukang lompoTa, kammayatompa kakaraengang mala'biritTa siagang accayaya.

PAMMUJI 145:12 ပူးပေါင်းရင်းမြစ်များ

PAMMUJI 105:1

Sukkurukko mae ri Batara, kabarrangi kalompoanNa, caritai panggaukanNa mae ri bansa-bansaya.

PAMMUJI 105:5

He, turunganna Abraham, atanNa, siagang turunganna Yakub tunipileNa, u'rangi sikontu gau' appakalannasa' sikontu le'baka Nagaukang, teako kaluppai sikamma kaputusanNa.

PAMMUJI 106:2

Inai akkulle angkabarrangi kaporeanNa Batara, siagang assare pammuji siratanga mae ri Ia?

PAMMUJI 111:6

Le'ba'mi Napappicinikang koasaNa mae ri umma'Na, iamintu Nasarei ke'nanga butta pisaka bansa-bansaya.

PAMMUJI 98:1

Pammuji. Akkelongko lagu beru mae ri Batara, lanri sikamma panggaukang malompoNa! Lanri koasa siagang kagassingang KalenNa nanggappamo pammetang.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

PAPPICINI' 12:10

Nampa nia' kulangngere' sa'ra lompo ri suruga angkana, “Iaminne wattunna Napasalama' Allata'ala umma'Na! Kamma-kamma anne Napappicinikammi kakoasanNa Allata'ala salaku Karaeng! Kamma-kamma todong minne naNapappicinikang kakoasanNa anjo Karaeng Mappasalama' nipa'janjianga! Nasaba' nipasulu'mi battu ri suruga anjo antuduai allo bangngi sari'battanta ri dallekanNa Allata'ala.