PAMMUJI 145:10 - KITTA' MATANGKASA'

¹⁰ Sikontu bate paretTa mammuji mae ri Katte, o, Batara, sikontu ummatTa lappala' sukkuruki mae ri Katte.

PAMMUJI 145:10 ပူးပေါင်းရင်းမြစ်များ

PAMMUJI 103:22

Pujimi Batara, he sikontu apa nipa'jaria ri sikontu kakoasanNa. Pujimi Batara, he nyawaku!

PAMMUJI 104:24

Tamaka jaina bate paretTa, o, Batara, yangasenna Kipa'jari lanri bajitTa; rassi buttaya siagang bate paretTa.

PAMMUJI 149:5

Boli'mi kamma umma'Na Allata'ala a'rannu-rannu lanri katinggianNa, akkelong rannu sila'busu' bangngi.

PAMMUJI 19:1

Untu' pamimping pakelong. Pammujina Daud.

PAMMUJI 22:23

Lakucaritai sikamma gautTa mae ri sikamma sari'battangku; lalang ri passirapakkanna ummatTa mammuji-mujia' ri Katte.

PAMMUJI 30:4

Kilappassanga' battu ri lino kamateanga, Kipattallasakka' battu ri alla'na sikamma tau matea.

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 32:11

He, sikamma tu bajika, rannu mako siagang ma'reja-reja mako lanri apa le'baka Nagaukang Batara. Akkio' rannu mako, he sikontu tu lambusu' pa'maika!

PAMMUJI 57:9

He, ambangungko, nyawaku! He, ambangungko gambusuka siagang kacapia! Erokka' ampabangungi bari'basaka.

PAMMUJI 68:26

A'jappai ri dallekang sikamma pakelonga, ri bokona sikamma pakarena kacapia; ri tangngana sikamma tulolo patunrung rabanaya; kammaminne kelonna ke'nanga:

PAMMUJI 69:35

Pujimi Allata'ala, he langika siagang linoa, tamparanga siagang sikontu apa-apa niaka ilalanna.

PAMMUJI 97:12

Rannu mako, he sikamma tau tulusu' pa'maika lanri apa le'baka Nagaukang Batara, siagang appala' sukkurukko mae ri Allata'ala matangkasaka.

YESAYA 44:23

Akkio' rannuko, he langi', ma'rannu-rannuko, he bone kambunna buttaya! Akkio' rannuko, he sikamma monconga! siagang romanga na sikamma poko' niaka lalang! Saba' Napappicinikammi Batara kala'biranNa lanri le'ba'na Napasulu' Israel umma'Na.

IBRANI 13:15

Lanri kammana, tete ri Isa, paralluki' tuli mammuji-muji ri Allata'ala; iaminjo a'jari koro'bang sukkurutta mae ri Ia, nipassareanga lalang kana-kana nipaua untu' ampakala'biriki arenNa.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

1 PETRUS 2:9

Mingka ikaumi bansa le'baka nipile, imang-imang allayania karaeng, bansa matangkasaka, untu' KalenNa Allata'ala, siagang umma' KalenNa Allata'ala. Napileko siagang Nakiokko Allata'ala assulu' battu lalang ri sassanga untu' antama' ri singara' kalompoanNa, sollanna nupa'la'bang biritta ri sesena sikontu panggaukang malompoNa.