PAMMUJI 144:13 - KITTA' MATANGKASA'

¹³ Poro rassi ngaseng bonena sikontu gudanta rassi siagang sangka' rupa wassele' butta. Poro sikamma gimbalatta ri paranga a'bija sa'genna appulo sa'bu jaina.

PAMMUJI 144:13 ပူးပေါင်းရင်းမြစ်များ

KAIMANGNGANG 26:10

Lalla'bi-la'bi wassele' buttanu, sa'genna angganna' lanukanre untu' sitaung. Ba'lalo tarpassa nupasuluki la'binna taung allaloa battu ri pammolikanna sollanna nia' tampa' pammolikang untu' kattoang berua.

KAIMANGNGANG 26:5

Lalla'bi-la'bi wassele'na buttanu, sa'genna akkatto ijako gandung, nanarapi'mo sedeng wattu pangngalleanna rappo anggoroka. Siagang punna narapi'mo wattunnu la'lamung gandung, tenapa nule'ba' angngalle ngasengi rappo anggoro'nu. Lagannaki kanre-kanreannu siagang lasalewangangi tallasa'nu lalang ri pa'rasangannu.

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

PAOLE 28:4

Nibarakkakiko, sa'genna jai ana'nu, jai wassele' kattoannu, siagang a'jari jai sapinu kammayatompa gimbala'nu.

PAOLE 28:8

LaNabarakkaki Karaeng Allata'alanu usahanu siagang laNabonei sikamma pammolikannu siagang gandung. LaNabarakkakiko ri pa'rasangang Napassareanga mae ri kau.

PAOLE 8:3

Nalappassangko cipuru', nampa Nasareko manna untu' nukanre. Ikau siagang boe-boenu tale'bakako angnganre kanre kammaya anjo rioloangnganna. NaNagaukang Batara anjo kammaya lanri erokko Naajara' angkanaya anjo rupataua tena naporo kanreji bawang nakkulle attallasa', passangalinna battu ri sikontu apa Nakananga Batara.