PAMMUJI 143:2 - KITTA' MATANGKASA'

² Inakke anne atanTa, teaKi' adelia', saba' taniakka tau tania' salana ri dallekanTa.

PAMMUJI 143:2 ပူးပေါင်းရင်းမြစ်များ

1 KARAENG-KARAENG 8:46

Punna doraka ummatTa mae ri Katte – sikontutojenna tena manna sitau tadoraka – nampa Kibalang parekang ke'nanga nibeta ri musua lanri larroTa, siagang nierang a'jari tunitahang mange ri se'reang pa'rasangang bellaya yareka ambania,

AYUB 14:3

O, Allata'ala, masakang erokKi' ancinikia', nampa Kisuroa' andallekang ri pangadelanTa;

AYUB 15:14

Maka akkullei rupataua tena sikali salana? Akkullekai nipannaba ri dallekanNa Allata'ala?

AYUB 25:4

Maka akkullei rupataua tangkasa' ri paccini'Na Allata'ala? Maka akkullei ti'no' ri matanNa?

AYUB 4:17

‘Maka akkullei taua tena salana ri dallekanNa Allata'ala? Maka akkullei tena callana ri dallekang matanNa Mappa'jarina?

PAMMUJI 130:3

Punna tulusu' Kiu'rangi dosana ikambe, o, Batara, inai lakkulle attahang?

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

KATO'BA 7:20

Tena tau sukku' baji'na ri linoa anne; tena tuli a'gau' baji' siagang tale'baka doraka.

ROMA 3:20

Nasaba' tena manna sitau akkulle assibajiki siagang Allata'ala lanri nagaukanna apa-apa niaka tattulisi' lalang ri hukkung-hukkung agamaya. Ba'lalo anjo hukkung-hukkunga poro napappiassenganji bawang mae ri rupataua angkanaya ma'nassa dorakai rupataua.

GALATIA 2:16

Mingka niassengi angkanaya lanri tappa'na taua mae ri Isa Almasi nakkulle assibajiki ammotere' siagang Allata'ala; teai lanri nagaukanna hukkung-hukkung agamaya. Ikambe pole, tappa' tommaki' mae ri Isa Almasi; sollanta akkulle assibajiki ammotere' siagang Allata'ala tete ri anjo matappatta. Jari teai lanri kigaukanna hukkung-hukkung agamaya. Nasaba' tena manna sitau lakkulle assibajiki ammotere' siagang Allata'ala lanri nagaukanna hukkung-hukkung agamaya.

1 YOHANES 1:10

Mingka punna angkanaki' tena kidoraka, sangkammami angkanaya nibilang paballe-ballei Allata'ala; battuanna tenamo niboliki ri atinta kananNa Allata'ala.