PAMMUJI 143:10 - KITTA' MATANGKASA'

¹⁰ Ajaria' anggaukangi erotTa, saba' iKattemi Allata'alaku. IKatte baji' pa'mai' lanrenrenga' mange ri oloang lapparaka.

PAMMUJI 143:10 ပူးပေါင်းရင်းမြစ်များ

NEHEMIA 9:20

Lalang koasa mabajitTa Kiajara' ke'nanga. Angnganrei manna siagang angnginung ke'nanga siganna'na.

PAMMUJI 118:28

IKatte Allata'alaku, appala' sukkurukka' mae ri Katte, Allata'alaku, kupakalompoKi'.

PAMMUJI 119:12

Mammujia' mae ri Katte, o, Batara, Kiajarakka' ri katantuanTa.

PAMMUJI 119:35

Poro manna'gala' jarreka' mae ri parentaTa, lanri iaminjo pangngaingku.

PAMMUJI 139:24

Kicinikimi gassingka nia' kaja'dallang lalang ri kalengku, siagang kirenrenga' mae ri oloang mannannunganga.

PAMMUJI 140:6

Sanna' tampona ke'nanga a'mere'-mereki antannangngia' sikko', napalaparaki sikkoka untu' anjakkalaka'. Ri siapa la'buna aganga natannang ke'nanga sikkoka untu' anjakkalaka'.

PAMMUJI 22:1

Untu' pamimping pakelong. Situru' lagu: Jonga ri wattu bari'basa'. Pammujina Daud.

PAMMUJI 23:3

Nasarea' kagassingang beru, kuNarenreng mange ri oloang annabaya, situru' siagang janjinNa.

PAMMUJI 25:12

Kipangngajarrangi mae ri tumappilangngeria oloang musti naoloa ke'nanga.

PAMMUJI 27:11

Kipicinikianga' apa Kikaerokia, o, Batara, rurunganga' mange ri oloang lambusuka, saba' tamaka jaina musungku.

PAMMUJI 31:14

Ri kere-keremae nia' apa appakamalla' dudu kulangngere' kabara'-kabara' anging battu ri musungku. Assikongkoloki ke'nanga ambalianga', appareki rancana untu' ambunoa'.

PAMMUJI 63:1

Pammujina Daud, ri wattunna nia' ri parang lompona Yehuda.

YESAYA 29:10

Napa'jari ta'do'dokko siagang attinro nyamangko Batara. Natongkoki matanna sikamma na'bia siagang nabomboki rupanna sikamma pacinika.

YESAYA 63:14

Naerangi Batara ke'nanga mae ri tampa' pammantangnganga, rapang olo'-olo' piara niemba mange ri paranga untu' a'ruku'. Kammaminjo bateNa anrurungangi umma'Na, sollanna nipakala'biri' arenNa.

MIKHA 4:2

lanakana ngaseng ke'nanga, “Umba kinai' ri bontoNa Batara ri Balla'Na Allata'alana Israel! LaNapangngajarrangi mae ri katte apa mustia nigaukang. Lanipinawangi oloanNa lanri pangngajaranNa Batara battu anjorengi ri Yerusalem; battu ri Sion a'bicara mae ri umma'Na.”

PAMMILANGNGANG 9:22

Lalang nia'na anjo rammanga irateanganna KemaNa Batara, apaka ruangallo, sibulang, sitaung yareka la'bi, sikamma tomminjo sallona ke'nanga ammantang ri anjo tampaka. Punna nai' anjo rammanga, nampami a'lampa ke'nanga.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

ROMA 15:30

Lanri Batarata Isa Almasi, siagang lanri pangngamaseang RohNa Allata'ala, sanna' kupala'na mae ri kau ngaseng sollannu amminawang ngaseng todong attojeng-tojeng siagang inakke appala' doang mae ri Allata'ala.

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

ROMA 8:2

Nasaba' hukkung battua ri RohNa Allata'ala ampasileoki katallassanta siagang Isa Almasi; Iami allappassangki' battu ri hukkung angngerangaki' mae ri dosaya siagang kamateanga.

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

EFESUS 4:30

Teako pa'jari si'nai atinNa RohNa Allata'ala. Le'ba' mako nisare pammatei mattantu ri RohNa Allata'ala, ma'nassanu a'jarimo taunNa Allata'ala. Ia tommi anjo RohNa Allata'ala a'jari pammatei janji majarre' angkanaya labattui mae ri kau Allo Kalappassanga.

EFESUS 5:9

Nasaba' battu ri iaminjo singaraka ammumba sikontu gau' bajika siagang gau' annabaya ri dallekanNa Allata'ala.

2 TIMOTIUS 1:7

Nasaba' anjo Roh Napassareanga Allata'ala mae ri katte teai Roh ampa'jariki' ballorang. Mingka anjo RohNa Allata'ala Napa'jari majarrekki', sukkukki' lalang pangngamaseang siagang akkullei nipakalewa kalenta.

IBRANI 13:21

Poro Allata'ala, iamintu kabattuanna barakka' kasalewanganga ampassukku' ngasengko siagang sikontu apa-apa baji', nuparalluanga untu' anggaukangi ero'Na. Poro tete ri Isa Almasi, naNagaukang Allata'ala lalang ri kalenta apa Nakaerokia. Poro tuli nipuji-puji Almasi sa'genna satunggu-tungguna! Aming.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.