PAMMUJI 141:4 - KITTA' MATANGKASA'

⁴ Pakabella' battu ri ero' a'gau' ja'dalaka. TeaKi' lappassangngia' a'rappungang siagang tau doraka siagang amminawang angnganre lalang ri passuarranna ke'nanga.

PAMMUJI 141:4 ပူးပေါင်းရင်းမြစ်များ

PA'JARIANG 27:14

Jari a'lampami Yakub angngallei anjo bembea na naerang mae ri amma'na. Nampa napallu Ribka a'jari pallu-pallu pangngainna Ishak.

1 KARAENG-KARAENG 13:8

Appialimi anjo na'bia angkana, “Manna pole nasarea' karaenga tawaruanna kakalumanynyangnganna karaenga, tena nakulamminawang untu' mange angnganre yareka angnginung siagang karaenga.

1 KARAENG-KARAENG 22:22

Akkuta'nammi Batara angkana, ‘Antekamma carana?’ Appialimi anjo roh angkana, ‘La'lampa' nampa kupa'jari a'balle-balle ngaseng na'bi-na'bina Ahab.’ Nakanamo Batara, ‘Baji'mi, gaukammi anjo, lakkulleko antu anynyonyoki.’ ”

1 KARAENG-KARAENG 8:58

Poro Napa'jariki' tau tamamminra ri Ia sollanta tuli attallasa' situru' ero'Na siagang mannuruki ri sikontu hukkunNa siagang parentaNa ia le'baka Napassareang mae ri boe-boeta.

PAMMUJI 119:36

Kisarea' kacinnang untu' mannuruki ri paratoranTa, la'biangngang na cinnaya a'jari kalumanynyang.

PAMMUJI 28:3

Teaki' tumpassia' assama siagang tu dorakaya, siagang tu a'gau' ja'dalaka. Sanna' sombere'na kana-kananna ke'nanga, mingka atinna lalang teai sipato' botto'na.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

PAMMILANGNGANG 25:2

Nikio'mi ke'nanga ri anjo tubai'-bainea mange ri passua'-suarrang koro'banga untu' ampakalompoi rewatana ke'nanga. Amminawang tommi tu Israel angkanrei anjo koro'banga siagang anynyomba ri rewatana tu Moab.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

1 KORINTUS 15:33

Teako eroki nitipu! Punna a'rappungangko siagang tau ja'dalaka, ma'nassa manna baji' sipa'nu mingka la'jari ja'dala' tommako.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

PAOLE 2:30

Mingka tena napa'biangki' Karaeng Sihon ammalo ri anjo pa'rasanganna. Nipa'jari kapala batumi ri Karaeng Allata'alanu siagang nakellai duduki' ambetai anjo Karaeng Sihon. Sa'genna kamma-kamma anne nipammantangngi iji daerana.

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

YAKOBUS 1:13

Punna nia' tau nigoda ri anjo paccoba kammaya, takkulleai angkana, “Anjo pa'godaya, pa'goda battu ri Allata'ala,” nasaba' takkulleai Allata'ala nigoda ri kaja'dallanga, kammayatompa tena todong nale'ba' nagoda taua, manna pole inai.

PAPPICINI' 18:4

Nampa nia' sa'ra maraeng kulangngere' battu ri suruga angkana, “Assulukko, ikau ngaseng ummakKu! Assulukko battu lalang! Teako pinawangngi dosa-dosana, siagang teako amminawangngi antanggongi hukkunganna!