PAMMUJI 139:19 - KITTA' MATANGKASA'

¹⁹ Poro kitumpasa' lalo tau ja'dalaka, o, Allata'ala, Kipakabellai battu ri nakke tau appasolonga cera'!

PAMMUJI 139:19 ပူးပေါင်းရင်းမြစ်များ

PAMMUJI 119:115

He tau ja'dalaka, bellako battu ri nakke! Erokka' mannuruki ri parentaNa Allata'alaku.

PAMMUJI 5:6

TaKitahangngai anciniki tau tampoa, Kikabirisi tau ma'gau' ja'dalaka.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

PAMMUJI 6:8

Tabajikami paccinikku napakamma si'na nanremeng-remeng lanri musu-musungku.

PAMMUJI 64:7

A'rancanai ke'nanga kaja'dallang, siagang nakana, “Appareki ikambe rancana sannaka porena”. Sanna' lantanna atinna siagang pa'mai'na rupataua, takkulleai nitappu.

PAMMUJI 9:17

Napa'nyatami KalenNa Batara lanri adele'na kaputusanNa. Loposoki tu ja'dalaka lanri panggaukang kalenna tonji.

PAMMUJI 9:18

Mate kale'bakkanna tu ja'dalaka, bansa-bansa tenaya najampangi Allata'ala.

PAMMUJI 94:23

Nahukkungi tau ja'dalaka situru' kaja'dallanna, Natongkoki bawana ke'nanga lanri dosana ke'nanga. Karaeng Allata'alata lantongkoki bawana ke'nanga.

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 7:23

Mingka laKukana sallang appiali, ‘Tena le'bakako Kuasseng! A'lampa ngasengko anrinni ikau le'baka a'gau' ja'dala'!’ ”

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.