PAMMUJI 137:4 - KITTA' MATANGKASA'

⁴ Maka lakkullekai ri pa'rasanganna bansa maraeng akkelong ikambe mae ri Batara?

PAMMUJI 137:4 ပူးပေါင်းရင်းမြစ်များ

KATO'BA 3:4

Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

YESAYA 49:21

Jari lanukana lalang ri pa'mai'nu, ‘Inaika allassukangi anjo ana'-anaka untu' inakke? Sai inakke tappela' ngasemmi ana'-anakku, na kutakkulleamo pole ammana'? Inakke nilalinga' mae ri butta pammelakkanga na kunipakabella siagang niboli' kale-kalengku. Battu kemae ngasengi anjo sikamma ana'-anaka, siagang inai ampakalompoi ke'nanga?’ ”

HOSEA 9:4

Ri sikamma anjo pa'rasanganga tena nulakkulle assare anggoro' siagang koro'bang olo'-olo' untu' ampakasannangi atinNa Batara. Anjo kanrenu lanapa'jari ra'masa' kabusuki sikamma tau angkanreai, sangkamma kanre nikanrea ri wattunna upacara nitarawanna tau matea. Anjo kanrea poro battannuji bawang angkasiaki matu-matunna; manna sike'de' tena nalanierangi mae ri Balla'Na Batara untu' a'jari passare anjoreng.

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”