PAMMUJI 136:26 - KITTA' MATANGKASA'

²⁶ Sukkurukko mae ri Allata'ala makoasaya ri langika; pangngamaseanNa sa'genna satunggu-tungguna.

PAMMUJI 136:26 ပူးပေါင်းရင်းမြစ်များ

NEHEMIA 1:4

Kulangngere'na anjo kabaraka, ammempoma' naung nampa angngarru'. Pirangallo arei tuli si'na kusa'ring pa'maikku. Tulusu' appuasama' siagang appala' doang ri Allata'ala,

NEHEMIA 2:4

Akkuta'nammi karaenga angkana, “Jari, apa nukaeroki?” Lalang atingku appala' doamma' ri Allata'ala makoasaya ri suruga;

PAMMUJI 115:3

Allata'alata niaki ri suruga, Nagaukangi apa Nakaerokia.

PAMMUJI 123:1

Kelong siara. Acconga' a'dalle' nai' mae ri Katte o, Batara ammarentaya ri suruga.

DANIEL 2:18

Nasuromi ke'nanga appala' doang mae ri Allata'ala ri suruga sollanna mangngamaseang mae ri ke'nanga na Nasungke rahasiana anjo so'naya. Lanri kammana anjo tenamo nanihukkung matei ke'nanga siagang kabusu' sikamma tau cara'de' maraenganga.

YUNUS 1:9

Appialimi Yunus angkana, “Inakke tu Ibrani. Anynyomba' ri Batara, Allata'ala ri suruga, ampa'jariai tamparanga siagang bontoa.”

PAPPICINI' 11:13

Na anjo wattua ta'ge'goso' sanna'mi buttaya. Ancuru'mi bage sampulona anjo kotaya, siagang nia'mo tuju sa'bu jaina tau mate napakamma anjo ta'ge'goso'na buttaya. A'jari malla' sikali ngasemmi tau maraenganga, nampa mammuji ke'nanga mae ri kalompoanNa Allata'ala ri suruga.