PAMMUJI 135:21 - KITTA' MATANGKASA'

²¹ Pujimi Batara ri Sion, ri Yerusalem, tampa' pammantanganNa. Pujimi Batara!

PAMMUJI 135:21 ပူးပေါင်းရင်းမြစ်များ

1 PATTOTTORANG 23:25

Nakanamo Daud, “Nasaremi Karaeng Allata'ala kasannangang umma'Na, siagang KalenNa nia'ki ammantang ri Yerusalem sa'genna satunggu-tungguna.

EZRA 7:16

Erang tongi sikamma bulaenga siagang pera' le'baka nupasse're battu ri sikontu Babel siagang sikontu sumbangang battua ri bansa Israel siagang imang-imanna ke'nanga untu' Balla'Na Karaeng Allata'alana ke'nanga ri Yerusalem.

PAMMUJI 128:5

Poro battu ri Sion Batara ambarakkakiko. Poro nuciniki kacopponganna Yerusalem lalang sikontu tallasa'nu!

PAMMUJI 134:3

Poro nibarakkaki ngasengko battu ri Sion ri Batara, Mappa'jaria langi' siagang lino!

PAMMUJI 48:1

Pammujina golongang Korah.

PAMMUJI 48:2

Tojeng, malompoi Batara siagang sanna' nipujina ri kota Allata'alata, ri bulu' matangkasaka.

PAMMUJI 48:3

Sion, bulu'Na Allata'ala, ammenteng sassa' sanna' ga'gana kotaNa Karaeng Malompoa ampakarannui sikontu linoa.

PAMMUJI 48:9

Sangkamma apa le'baka nilangngere', kamma-kamma anne nicini'mi, ri kotaNa Batara Kaminang Makoasaya. Anjo kotaya, kotaNa Allata'alata, Najagai untu' satunggu-tungguna.

PAMMUJI 76:2

Alla'bangi niasseng Allata'ala ri Yehuda; masahoroki arenNa ri Israel.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!