PAMMUJI 135:12 - KITTA' MATANGKASA'

¹² Nampa napassareang pa'rasanganna ke'nanga a'jari napatang Israel, umma'Na.

PAMMUJI 135:12 ပူးပေါင်းရင်းမြစ်များ

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

PAMMILANGNGANG 33:54

Nampa musti nubage a'jari pisakanu; carana nubage iamintu nugoccangi sangkamma loterei. Untu' golongang bija lompoa musti lompo tongi bageanna, nampa mae ri golongang bija ca'dia musti ca'di tongi bageanna.

PAOLE 29:8

Niallei buttana ke'nanga nampa nibage mae ri suku Ruben siagang Gad, kammayatompa sipa'gang suku Manasye.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

YOSUA 12:7

Sikamma karaeng nibetaya ri Yosua siagang bansa Israel iamintu sikontu karaeng niaka ri daera bageang lau'na Binanga Yordan, battu ri Baal-Gad ri Ka'bung Libanon tulusu' sa'genna mange ri pa'moncongang A'gondoloka ri bageang timboro' ri ampi'na Edom. Anjo daera-daeraya nabage-bagei Yosua mae ri suku-suku bansa Israel untu' a'jari butta pisakana ke'nanga.