PAMMUJI 134:1 - KITTA' MATANGKASA'

¹ Kelong siara. Umba, pujimi Batara, he sikontu atanNa Batara, sikontu a'gau' ibadaya ri Balla'Na Batara ri wattu bangngi.

PAMMUJI 134:1 ပူးပေါင်းရင်းမြစ်များ

1 PATTOTTORANG 9:23

Appakkaramulai anjo wattua ia ke'nanga siagang turunganna ke'nanga tuli a'jarimi pajaga pakke'bu' lompona Balla'Na Batara.

1 PATTOTTORANG 9:27

Ambani ke'nanga ammantang ri Balla'Na Batara, nasaba' musti najagai ke'nanga anjo ballaka siagang tuli nasungkei sikamma pakke'bu' lompona punna bari'basa'.

1 PATTOTTORANG 9:33

Sipa'gang tu Lewi maraengannaya, iami tugasa' anjari pakelong lalang ri Balla'Na Batara. Sikamma kapala-kapala kaluargana ke'nanga ammantangi ri siapa are bangunang ri Balla'Na Batara. Tena nisarei ke'nanga tugasa' maraeng, lanri tugasa' allo bangngi ke'nanga.

2 PATTOTTORANG 29:11

Ikau ana'-anakku, teako pammukoangi pole, nasaba' ikau ngasemmi Napile Batara untu' anynyomba siagang a'jari atanNa, kammayatompa attunu dupa siagang ampimpingi ra'yaka untu' anynyomba.”

2 PATTOTTORANG 35:5

Atoro' bajiki massing regunu, sollannu tuli sadia ngaseng untu' antulungi sikamma kalompo'na tu Israel ri Balla'Na Batara.

NEHEMIA 12:9

Anggota pakelong angkelongangai kelong pappialia iamintu: Bakbukya, Uni, siagang agang-aganna se're golongang.

PAMMUJI 103:21

Pujimi Batara, he sikontu apa niaka ri suruga, sikontu atanNa anggaukangai ero'Na.

PAMMUJI 113:1

Pujimi Batara! He ata-atanNa Batara, pujimi arenNa Batara!

PAMMUJI 120:1

Kelong siara. Lalang kasusaangku akkioka' mae ri Batara, na Napialia'.

PAMMUJI 121:1

Kelong siara. Accinika' mae ri moncong-monconga, battu kemae labattu pannulungku?

PAMMUJI 122:1

Kelong siara battu ri Daud. Rannua' ri wattunna nakana taua mae ri nakke, “Umba kimange ri Balla'Na Batara!”

PAMMUJI 123:1

Kelong siara. Acconga' a'dalle' nai' mae ri Katte o, Batara ammarentaya ri suruga.

PAMMUJI 124:1

Kelong siara battu ri Daud. Antekamma ebara' tena Naagangngangki' Batara? He Israel, appialiko angkana,

PAMMUJI 125:1

Kelong siara. Tau tappaka mae ri Batara, sanrapangi Bulu' Sion majarre' tama'lenggaya, attahang satunggu-tungguna.

PAMMUJI 126:1

Kelong siara. Ri wattunna Napammole Batara lampa-lampana Yerusalem, sangkammaki' tau asso'na!

PAMMUJI 127:1

Kelong battu ri Salomo. Punna teai Batara ambangung balla', sia-siaji tukang-tukanga anjama. Punna teai Batara anjagaiki', sia-siaji sikamma pangawalaka a'jaga.

PAMMUJI 128:1

Kelong siara. Mate'nei tau mappilangngeria siagang attallasaka situru' parentaNa Allata'ala.

PAMMUJI 129:1

Kelong siara. He Israel, paui antekamma batenu nisessa ri musu battu ri rungkanu.

PAMMUJI 130:1

Kelong siara. Battu ri tubiri' kasusaanga akkioka' mae ri Katte, o, Batara.

PAMMUJI 130:6

Nakkuka' ri Batara, la'biangngang na paronda nakkuka ri bari'basa'.

PAMMUJI 131:1

Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

PAMMUJI 132:1

Kelong siara. O, Batara, angngu'rangiKi' mae ri Daud, siagang sikontu pa'risi'na.

PAMMUJI 133:1

Kelong siara battu ri Daud. Tamaka baji'na siagang sannanna, punna assiama' tallasa'na umma'Na Allata'ala!

PAMMUJI 84:5

Tamaka mate'nena tau ammantanga ri BallatTa, na tuli makkelong lagu pammuji mae ri Katte.

KAIMANGNGANG 8:35

Lalang tuju allo, allo bangngi, musti ammantang ngasengko ri dallekang pakke'bu'na Kemaya untu' anggaukangi apa Naparentakanga Batara. Punna tena nugaukangi, lamate ngasengko. Iaminjo Naparentakanga Batara mae ri nakke.”

LUKAS 2:37

na'jari jandamo Hana. Kamma-kamma anne sagantujupulomi angngapa' taung umuru'na. Tena le'bakai nabokoi Balla'Na Batara. Allo bangngi mange ri Balla'Na Batara appala' doang ri Allata'ala siagang appuasa.

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

PAPPICINI' 19:5

Nampa nia' kulangngere' sa'ra battu ri anjo empoang kala'biranga angkana, “Pujimi Allata'ala, ikau sikontu atanNa, siagang sikontu rupataua, tau lompo yareka ca'di, ia anynyombaya ri Allata'ala, pujimi Allata'ala!”

PAPPICINI' 7:15

Iaminjo saba'na nammenteng ke'nanga ri dallekanna empoang kala'biranNa Allata'ala, siagang anynyomba ri Ia allo bangngi lalang Balla'Na Allata'ala. Na Ia ammempoa irate ri anjo empoang kala'biranga lahadereki ri tangnga-tangngana ke'nanga untu' anjagai ke'nanga.