PAMMUJI 132:5 - KITTA' MATANGKASA'

⁵ punna tenapa kuppasadia balla' untu' Allata'alana Yakub, tampa' pammantangang untu' Batara Kaminang Gassinga.”

PAMMUJI 132:5 ပူးပေါင်းရင်းမြစ်များ

2 SAMUEL 6:17

Anjo Patti Parjanjianga nipadongkoki lalang ri kema le'baka natannang Daud untu' anjo Pattia. Nampa assare Daud koro'bang nitunu siagang koro'bang passiamakkang mae ri Batara.

2 SAMUEL 7:1

Najagai Batara anjo Karaeng Daud battu ri karicuanna musunna, sa'genna akkulle ammantang tuli lalang ri balla' kakaraenganna.

1 KARAENG-KARAENG 8:17

Nampa pole nakana Salomo, “Manggeku Daud le'ba'mi narancanakang untu' ambangung balla' tampa' passambayangngang mae ri Karaeng Allata'alana Israel.

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

1 PATTOTTORANG 15:12

Nakanamo Daud ri ke'nanga, “Ikau ngaseng anne pamimping bija-bija niaka lalang ri suku Lewi. Lanri kammana, ikau ngaseng siagang tu Lewi maraengannaya parallui nutangkasi kalennu, sollanna akkulle nupalette' Patti ParjanjianNa Batara, Allata'alana Israel, mange ri tampa' le'baka kupasadia.

1 PATTOTTORANG 15:3

Jari nakio'mi Daud sikontu tu Israelka battu mae ri Yerusalem untu' ampaletteki Patti ParjanjianNa Batara mae ri tampa' le'bakamo napasadia.

1 PATTOTTORANG 22:7

Nakanamo Daud ri Salomo, “Anakku, salloma' ero' ambangung se're balla' untu' ampakala'biriki Karaeng Allata'alaku.

1 PATTOTTORANG 28:2

Ammentemmi Daud ri dallekanna ke'nanga nampa nakana, “Sikamma sari'battang julu bansaku, pilangngeri anne kanangku! Salloma' ero' ambangung se're balla' attantu untu' Patti Parjanjiang, pattuppuang bangkenNa Karaeng Allata'alata. Le'ba'ma' appare' parsadiaang untu' ambangung se're balla' untu' a'jari tampa' anynyomba mae ri Ia.

2 PATTOTTORANG 2:6

Mingka sikontutojenna tena manna sitau nia' pakkullena ambangung balla' untu' Allata'ala, lanri manna sikontu anne linoa takkulle angga'na lompona untu' a'jari pammantanganNa. Jari, anjo Balla'Na Batara poro lasanrapanji bawang tampa' pattunuang dupa mae ri Allata'ala!

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

EFESUS 2:22

Lanri asse'remi katallassannu lalang ri Almasi, kamma-kamma anne nipasibangung tommako siagang tau maraenga, a'jari se're balla' untu' Allata'ala; anjoremmi ammantang Allata'ala siagang RohNa.