PAMMUJI 132:17 - KITTA' MATANGKASA'

¹⁷ Anrinni sitau turunganna Daud Kupa'jari karaeng; laKupakajarreki pamarentahanna.

PAMMUJI 132:17 ပူးပေါင်းရင်းမြစ်များ

1 KARAENG-KARAENG 11:36

Mingka se're suku laKulappassangi ri ia, sollanna tuli nia' sitau battu ri turunganna atangKu Daud ammarenta untu' iNakke ri Yerusalem, kota le'baka Kupile a'jari tampa' passambayangang mae ri Nakke.

1 KARAENG-KARAENG 15:4

Mingka lanri Karaeng Daud, nanisaremo Abiam sitau ana' ri Batara, Allata'ala nasombaya Daud, untu' ansambeangi ammarenta ri Yerusalem siagang ampartahangkangi anjo kotaya.

2 KARAENG-KARAENG 8:19

Mingka taerokai Batara ampanraki Yehuda lanri le'ba'na a'janji mae ri Daud atanna, angkanaya jari-jarina tuli la'jari karaeng.

2 PATTOTTORANG 21:7

mingka taerokai Batara amputtai karaeng jari-jarina Daud, lanri le'baki a'janji angkanaya jari-jarina Daud tuli lammarenta.

PAMMUJI 148:14

Le'ba'mi Napakajarre' bansana, sa'genna nipuji-pujimo ri umma'Na, Israel, umma' nasayanNa. Pujimi Batara!

PAMMUJI 89:25

Latuli Kukamaseangi siagang talamamminrayA' mae ri ia, siagang laKupa'jari pila' makoasai.

PAMMUJI 92:10

Naassengi ikambe angkana lanipaccappuki musunTa, o, Batara, lanipasimbungi sikontu tau ja'dalaka.

YEHEZKIEL 29:21

Punna kajariang anjo passalaka, laKupa'jari Israel bansa kassa', siagang akkulle mako ikau Yehezkiel, laluasa a'bicara, sa'genna sikontu taua akkulle mako napilangngeri. Jari naassemmi ke'nanga angkanaya iNakkemi Batara.”

LUKAS 1:69

Nasaremaki' tu Mappasalama' makoasaya, ikatte atanNa, sossoranna Daud.

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”