PAMMUJI 132:13 - KITTA' MATANGKASA'

¹³ Saba' le'ba'mi Napile Batara Sion; Naerokangi untu' a'jari tampa' pammantanganNa.

PAMMUJI 132:13 ပူးပေါင်းရင်းမြစ်များ

1 KARAENG-KARAENG 11:13

Mingka tena nasikontu anjo kakaraenganga laKurampasa' battu ri ia. Lanri atangKu Daud, siagang lanri Yerusalem anjo kotaKu le'baka Kubangung, nia' se're suku laKupatassesa untu' ana' bura'nenu.”

2 PATTOTTORANG 7:16

Yangasenna anjo laKugaukangi lanri anne tampaka le'ba'mi Kupile siagang Kutangkasi untu' a'jari tampa' panynyombang mae ri Nakke sa'genna satunggu-tungguna. LaKuparhatikangi siagang Kujagai satunggu-tungguna.

EZRA 1:3

Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.

PAMMUJI 68:16

Moncong Basan Iami moncong heba', moncong jaia coppo'na.

PAMMUJI 87:2

Battu ri sikontu kota ri Israel Yerusalem kaminang Nakamaseang.

PAMMUJI 9:12

Pujimi Batara ammarentaya ri Sion! Caritai bate pare'Na mae ri bansa-bansaya!

YESAYA 14:32

Apa lanipappialiang mae ri sikamma tunisuroa battu ri bansa Filistin? Lanikana ri ke'nanga angkana le'ba'mi Nabangung Batara kota Sion, siagang umma'Na sessaya lanijagai anjoreng.

IBRANI 12:22

Mingka ikau, battu mako ri Bulu' Sion siagang kotaNa Allata'ala assarea katallassang, iamintu kota Yerusalem niaka ri suruga siagang assa'bu-sa'bu malaeka'na.