PAMMUJI 130:7 - KITTA' MATANGKASA'

⁷ Manrannuangko mae ri Batara, he umma'Na, saba' Ia tuli mangngamaseanna, siagang tulusu' sadiana ero' appasalama'.

PAMMUJI 130:7 ပူးပေါင်းရင်းမြစ်များ

PAMMUJI 130:4

Mingka iKatte Kingai appamopporang, sollanna a'jari taua tu mappilangngeri.

PAMMUJI 131:1

Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

PAMMUJI 131:3

Manrannuangko mae ri Batara, he umma'Na, anne kamma siagang satunggu-tungguna.

PAMMUJI 40:3

Nabesoka' battu lalang ri kali'bong bahayaya, battu lalang ri peo'na binangaya. Nabolika' irate ri bulu' batua, sa'genna baji' dakkaku.

PAMMUJI 71:5

Saba' iKattemi panrannuangku, o, Batara, o, Batara tappaka' mae ri Katte battu ri wattu rungkaku iji.

PAMMUJI 86:15

Mingka iKatte, o, Batara, Allata'ala mangngamaseang siagang manynyayang, sa'bara', la'bi pangngamaseang siagang majarre'.

PAMMUJI 86:5

IKatte bajikKi', o, Batara, Kingai ampamopporangi taua, tau appala' doanga mae ri Katte tuli Kikamaseangi siagang pangngamaseang alla'bi-la'bia.

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

ZEFANYA 3:12

Anjoreng laKuboliki ammantang tuli se'reang bansa tuna pa'mai', ampattoangai pannulungKu. Akkullei ke'nanga ammantang anjoreng.

LUKAS 14:22

Jari a'lampami anjo palayanga. Nale'ba'na nagaukang napassuroanga karaenna, nakanamo anjo palayanga ri anjo karaenga, ‘Le'ba'mi kukio' ngaseng anjo tau kipassuroanga karaeng, mingka jai iji pammempoang tena taunna.’

ROMA 8:24

Nasaba' lanri pa'minasata, nakinipasalama'. Mingka punna nigappa memammi anjo apa niminasaia, anjo teaimi pa'minasa arenna. Nasaba' inaika amminasai apa nagappayamo?

IBRANI 10:35

Lanri kammana, teako tappu' panrannuangngi. Nasaba' punna jarre' tappa'nu, nia' pahala lompo untu' ikau!

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.