PAMMUJI 129:5 - KITTA' MATANGKASA'

⁵ Boli'mi sikamma tau birisika ri Sion nibetai siagang ditunrungi ammunduru'.

PAMMUJI 129:5 ပူးပေါင်းရင်းမြစ်များ

NEHEMIA 6:16

Nalangngere'na musu-musunna ikambe, ia niaka ri alla'na bansa-bansa attammulilia anjoreng, kabara'na anjo passalaka, malla'mi latu'guru' siri' ke'nanga. Nasaba' sikontu taua naassengi angkanaya anjo jamanga nigaukangi lalang pannulunNa Allata'ala.

ESTER 6:13

Nacaritami mae ri bainenna siagang sikamma aganna apa le'baka nagaukang. Jari nakanamo bainenna siagang sikamma anjo agang-aganna appikkiri' bajika, “Appakkaramula mako nabeta gassing Mordekhai. Ia tu Yahudi, nampa takkulleako angngewai. Mattantu lanabetako.”

ESTER 9:5

Kammaminjo nakkullemo tu Yahudia a'gau' paero'-ero'na ke'nanga mange ri musunna. Nabundukimi ke'nanga siagang pa'dang nampa nabuno.

PAMMUJI 122:6

Appala' doangko untu' kasalewanganna Yerusalem angkana, “Poro salewangangi sikontu tau mangngaia ri Katte.

PAMMUJI 40:15

Boli'mi kamma anjo tau eroka ambunoa' nibetai na lari a'lingu-lingu. Boli'mi kamma anjo tau anggoraiyai kacilakangku nitunrung ammunduru' na nihina.

PAMMUJI 71:13

Boli'mi kamma nipakasiri' siagang nipa'lanynya' tau ambakkaia'. Boli'mi kamma a'jari lingu siagang a'jari hina tau eroka ancilakaia'.

YESAYA 10:12

Mingka Nakana Batara, “Punna le'ba'mo apa eroka Kugaukang ri Bulu' Sion siagang ri Yerusalem, laKuhukkungi karaeng Asyur lanri kaborroanna siagang katampoanna.”

YESAYA 29:8

Sikamma bansa niaka a'rappungang untu' ambunduki Yerusalem lasanrapangi tau cipuruka asso'na angnganre, nampa ambangung natena bonena battanna; yareka rapangi ke'nanga tau turere asso'na angnginung, nampa ambangung nakalotoro' kacikoro'na.

YESAYA 37:22

Nakana Batara, “Lanakakkaliko siagang lanacau-cauko kota Yerusalem, ikau Sanherib!

YESAYA 37:35

LaKuallei siagang laKula'langi kota Yerusalem lanri kalompoang KalengKu, siagang lanri parjanjiangKu siagang atangKu Daud.’ ”

MIKHA 4:11

Jaimi bansa akkumpulu' ero' ambundukiko, he Yerusalem! Nakana ke'nanga, “Musti niancuruki Yerusalem! Eroki ikambe anciniki anjo kotaya a'jari loro!”

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.

ZAKHARIA 12:6

Anjo alloa sikamma kaluarga Yehuda laKupa'jari rapang pepe' lalang ri pa'gompoang kayu tunua yareka sulo a'rinraya irawanganna gandung-gandung nikawarranga; lanaancuruki ke'nanga sikamma bansa-bansa niaka ri tammulilina. Mingka pandudu'na Yerusalem tuli ammantangi lalang ri kotaya siagang amang.

1 KORINTUS 16:22

Inai-nai tena namangngamaseang mae ri Batara, lappassammi anggappa pangngalarroi! Maranatha – O, Batara, battu maKi' linta'!