PAMMUJI 126:3 - KITTA' MATANGKASA'

³ Memang Nagaukammi Batara gau'-gau' hebaka untu' ikatte! Iaminjo saba'na kirannu!

PAMMUJI 126:3 ပူးပေါင်းရင်းမြစ်များ

PAMMUJI 18:50

Jari kupakalompo maKi' ri alla'na bansa-bansaya, siagang makkelomma' pammuji-muji mae ri Katte.

PAMMUJI 31:19

Kitongkoki bawana tu paballe-ballea tu borroa ancau-caui tu lambusuka.

PAMMUJI 68:22

Mattantu laNalicaki Allata'ala ulunna musunNa, sikamma tau tulusu' attallasaka lalang dosa.

YESAYA 25:9

Anjo wattua lanakana taua, “Sikontutojenna, Iami Allata'alata; Iami nitayanga, sollanta Napasalama'. Tojeng, Iaminne Batara; Iami nitayanga. Anne kamma akkio' rannu maki', saba' le'ba' maki' Napasalama'.”

YESAYA 66:14

Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

YO"EL 2:20

Anjo pasukang katimbang niaka battu wara' laKubongkai, sipa'gang Kuondangi mange ri parang kassika. Mange ri Tamparang Matea laKulusuru' barisang ri dallekang, mange ri Tamparang Tangngaya Kusorong barisang ri bokoanna. La'rasai sikamma bakkena. Kuancuruki ke'nanga lanri le'ba'na ke'nanga ansessa ngasengko.

YO"EL 2:21

Teako mallakki, he kokoa, pakasannangi atinnu; u'rangi gau' malompo Nagaukanga Batara mae ri kau!

LUKAS 1:46

Nakanamo Maria, “Mammuji atingku ri Batara,

LUKAS 1:49

Lanri Allata'ala Kaminang Makoasa a'gau' malompo ri kalengku. Nitangkasimi arenNa.

PAPPICINI' 12:10

Nampa nia' kulangngere' sa'ra lompo ri suruga angkana, “Iaminne wattunna Napasalama' Allata'ala umma'Na! Kamma-kamma anne Napappicinikammi kakoasanNa Allata'ala salaku Karaeng! Kamma-kamma todong minne naNapappicinikang kakoasanNa anjo Karaeng Mappasalama' nipa'janjianga! Nasaba' nipasulu'mi battu ri suruga anjo antuduai allo bangngi sari'battanta ri dallekanNa Allata'ala.