PAMMUJI 125:3 - KITTA' MATANGKASA'

³ Tau ja'dalaka tena natulusu' lakoasa ri butta pisakana tau lambusuka, sollanna tena namminawang tau bajika a'gau' ja'dala'.

PAMMUJI 125:3 ပူးပေါင်းရင်းမြစ်များ

PAMMUJI 103:14

Saba' Naassengi Batara angkana battu ri apaki' nipa'jari, Nau'rangi angkana poro limbu'bu' buttajaki' bawang.

PAMMUJI 103:9

Tena Natuli angga'gara', siagang tena Natuli larro satunggu-tungguna.

PAMMUJI 55:20

Allata'ala ammarentai battu ri satunggu-tungguna laNapilangngeria' siagang Nabetai ke'nanga. Saba' taerokai ke'nanga toba', siagang tamallakkai mae ri Allata'ala.

PAMMUJI 89:22

Tuli lanijagai ri kagassingang battua ri Nakke, koasaKu lampakagassingi.

PANGNGEBARANG 22:8

Tau appakioroka kajekkongang lakkattoi bala; kale'bakkanna lalanynya'mi appaero'-ero' na appanggaukang.

YESAYA 10:5

Nakana Batara, “Cilakai Asyur! Asyur laKupake a'jari cambo' siagang palu-palu untu' antunrungi tau natabaya pangngalarroingKu.

YESAYA 27:8

Nahukkungi Batara umma'Na, iamintu Napelaki ke'nanga mange ri pa'rasangang maraenga. Nabongkai ke'nanga siagang anging ja'dala' niaka battu raya.

1 KORINTUS 10:13

Sikamma paccoba nukasiaka, sangnging paccoba samara' ngaseng nakasia' rupataua. Mingka tuli jarre'Na Allata'ala mae ri janjinNa. Tena nalaNabalang parekangko nicobai alla'bi battu ri pakkullenu. Punna natabako paccoba, Iami lassareko kajarrekang sollannu akkulle attahang.

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.

1 SAMUEL 24:10

Kamma-kamma anne kalenta angkasiaki angkanaya ilalang ri kali'bonga sumpaeng, Napassareammi Batara kalenta mae ri atanta. Nia'mo tau anynyonyoka' sollanna kubunoki', mingka tena nakuero'. Appiali atanta angkanaya taerokai atanta ampa'risi karaenna atanta le'baka Napile Batara.