PAMMUJI 124:3 - KITTA' MATANGKASA'

³ le'ba' maki' naa'lu' attallasa', lanri allumpana larrona ke'nanga.

PAMMUJI 124:3 ပူးပေါင်းရင်းမြစ်များ

ESTER 3:6

Na ri wattunna naasseng angkana tu Yahudi anjo Mordekhai, angngallemi kaputusang untu' anghukkungi Mordekhai. Ba'lalo teai iaji bawang, mingka lanapa'la'busu' tongi sikontu tu Yahudi niaka ri kakaraenganna Persia.

PAMMUJI 27:2

Punna nibakkaia' ri tu ja'dala' eroka ambunoa', ke'nanga latatto'ro na tu'guru'.

PAMMUJI 35:25

TeaKi' lappassangngi ke'nanga angkana ri pa'mai'na, “Sukkuru' maki', kale'ba'mi nipattaena nyawana. A'jarimi pattujunta!”

PAMMUJI 57:3

Akkioka' mae ri Allata'ala Kaminang Tinggia, mae ri Allata'ala angngallea tindakang untu' kalengku.

PAMMUJI 74:8

Eroki ke'nanga ampatundu' taba sikali ikambe, na natunu ngaseng sikontu tampa' ibadaya ri anne pa'rasanganga.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PAMMUJI 83:4

Appareki rancana cara'de' untu' angngewai ummatTa; assikongkoloki ke'nanga angngewai sikamma tau Kijagaia.

PAMMUJI 83:5

Nakana ke'nanga, “Umba niancuruki bansa Israel, sollanna nikaluppai arenna ke'nanga.”

PANGNGEBARANG 1:12

Kamma-kamma anne sannangi nyawana siagang sehaki tubuna ke'nanga, mingka sallang la'jari sangkammai tau sitangnga mate ke'nanga.

YEREMIA 51:34

Yerusalem niancuruki siagang nikanrei sa'genna la'busu' ri karaeng Babel; nakosongi anjo kotaya rapang botolo' nakosongi. Rapang sikayu olo'-olo' sannaka lompona angnga'luki Yerusalem siagang napantama ri battanna sikontu apa bajika battu ri anjo kotaya, nampa napela' la'binna.

DANIEL 3:19

Jari a'reremi larrona Karaeng Nebukadnezar mae ri Sadrakh, Mesakh siagang Abednego, sa'genna a'jari eja sikali rupanna. Naparentakammi sollanna nitambai a'lappi tuju bambanna anjo pepeka.

YUNUS 1:17

Lalanna anjo wattua appabattumi Batara sikayu juku' sannaka lompona angnga'luki Yunus. Jari ammantammi Yunus lalang ri battanna anjo jukuka tallu allo tallu bangngi.

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

LAMPA-LAMPANA 9:2

nappala' sura' koasa untu' lanapake a'lampa mae ri pamimping-pamimpinna balla' sambayanna tu Yahudia ri Damsyik. Sollanna, punna nia' tau tappa' ri Isa nagappa anjoreng, akkullei najakkala' ke'nanga, nampa naerang mange ri Yerusalem.